Ambasadori amerikan në Prishtinë, Jeffrey Hovenier, u ka thënë përfaqësuesve të disa medieve në Kosovë se kryeministri Albin Kurti, “duhet ta kuptojë se e ka shtëpinë në flakë”.
Ai ka thënë se “ShBA-ja është e brengosur se ai ka marrë hapa të pakoordinuar, dhe pasojat do të jenë të menjëhershme”, duke përfshirë edhe “moslobimin te shtetet monjohëse”.
Sipas tij, kjo është bërë e qartë me reagimin e ashpër nga niveli më i lartë, ai i Sekretarit Anthony Blinken.
Hovenier ka bërë me dije se cilat janë dy kërkesat që Kurti duhet realizuar urgjentisht.
“E para, tërheqja e policisë nga ndërtesat komunale dhe e dyta që kryetarët e rinj të mos i ushtrojnë funksionet në ndërtesat komunale, meqë nuk kanë marrë më shumë se 3-4 për qind të votave”, ka thënë ai.
Sipas tij, ShBA-ja e ka bërë “të qartë se nuk mbështesin më projektet e përbashkëta dhe anulohet edhe edicioni e radhës të Defender Europe”.
Po ashtu, ambasadori Hovenier ka thënë se “nuk do të ketë vizita të nivelit të lartë të Kosovës në ShBA”.
© SYRI.net
BDI nis festën në Shkup, Grubi: Fitoi UÇK-ja e Ali Ahmeti
Hovenier e quan produktiv takimin mes O’Brein dhe Kurtit ku u bisedua për Asociacionin
Rrugëtimi evropian, Bislimi: Statusi kandidat e hyrja në KiE, objektiva të Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
