Kryeministri i Kosovës, Albin Kurti dje zhvilloi takime me krerët e shtetit në Shqipëri, ku takoi presidentin Bajram Begaj, kryeministrin Edi Rama, kryekuvendaren Lindita Nikolla.
Kryeminsitri Kurti nga krerët e shtetit shqiptar mbështetje për anëtarësimin e Kosovës në organizatat ndërkombëtare.
“Dëshirova t’i njoftoj nga afër dhe me hollësinë procesin e dialogut por gjithashtu edhe me elementët përbërës të marrëveshjes. Presidenti Begaj, Kryeministri Rama dhe kryetarja e Kuvendit Nikolla më kanë msheshtetur për procesin e dialogut dhe për marrëveshjen që kam arritur”, tha Kurti.
Kurti shtoi se Shqipëria është shumë më pranë Kosovës dhe kjo duket edhe në marrëdhëniet mes nesh dhe përfaqësimin e kësaj të fundit në organizmat e arenës ndërkombëtare.
”Kërkojmë nga Shqipëria mbështetje në forumet ndërkombëtare për Kosovën. Duhet mbrojtur, sovraniteti, pavarësia dhe integriteti ndërkombëtar. Por edhe të na ndihmojë për t’u anëtarësuar në organizmat ndërkombëtare”, ka deklaruar Kurti.
Ai po ashtu ka thënë se politikanët në Shqipëri i njoftoi edhe për dialogun Kosovë- Serbi si dhe për nenin 7 të planit evropian.
“Një situatë komplekse për dialogun Kosovë-Serbi të shihet me kujdes nga Shqipëria. Kjo marrëveshje është njohje de facto e ndërsjellët dhe gjithashtu ua shpjegova se neni 7 i cili flet për vete menaxhimin e komunitetit serb në fakt korrespondon te marrëveshja kornizë për të mbrojtur pakicat kombëtare. Kam takuar krerët e tri institucioneve shtetërore dhe ish-presidentin Meta dhe kam konsideruar se është e nevojshme dhe atë ndonëse nuk është më President. E di që Tirana dhe gjitha Shqipëria janë në ethet e fushatës dhe përfitoj nga rasti t’i uroj një proces zgjedhor sa më demokratik”, tha Kurti.
Kurti tregoi se po ashtu me kryeministrin Rama janë dakorduar që mbledhja e dy qeverive të mbahet në qershor dhe se gjithashtu biseduan edhe për zbatimin e deritanishëm të marrveshjeve të nënshkruara.
Kurse kryeministri Edi Rama i ka dhënë mbështetje Kurtit për fillimin e implemtimit të asociacionit që garanton vetëmenaxhimin e komuniteti serb, si dhe funksionimin me garancitë e nevojshme të Kishës Serbe në vendet e saj të kultit në Kosovë.
“Me mikun e posaçëm, kryeministrin e Kosovës, Albin Kurti, gjatë drekës së sotme ku diskutuam me detaje për marrëveshjen e Ohrit dhe ecurinë e mëtejshme të procesit të zbatimit të saj. I shpreha Albinit të gjithë simpatinë time për kurajon dhe realizmin me të cilin ka hedhur hapa me rëndësi të madhe drejt normalizimit të marrëdhënieve me Serbinë”.
“E inkurajova kryeministrin në hedhjen e hapave të mëtejshëm, qoftë për garantimin e komunave serbe në kornizën e asociacionit që garanton vetëmenaxhimin e komunitetit serb, qoftë për funksionimin me garancitë e nevojshme të Kishës Serbe në vendet e saj të kultit në Kosovë, duke e siguruar se në këtë proces jo të lehtë ai ka mbështetjen time më të plotë”, tha Rama.
Kryeministri shqiptar tha se kanë rënë dakord që mbledhja e ardhshme e të dy qeverive të mbahet në qershor.
© SYRI.net
Lajçak për “çështjen e dinarit”: U ngushtua hendeku mes palëve, pres propozime në takimin tjetër
Profesori Xhevat Krasniqi pezullohet nga puna
“Vuçiq u tensionua kur na pa dhe i pafytyrë doli nga salla”, Vasfije Krasniqi flet pas mbledhjes në KS të OKB-së
Denonco
Merrni lajmet më të fundit nga SYRI.net në çdo moment dhe kudo që të jeni!
