Pas publikimit të Raportit të Shpenzimeve dhe të Hyrave të Komunës së Lipjanit për vitin 2022, ku qeverisjes lokale i kanë tepruar mbi 2 milionë e gjysmë euro, Partia Demokratike e Kosovës, Dega në Lipjan ka shprehur shqetësimin e thellë për keqmenaxhimin e buxhetit dhe mungesë të investimeve në të shërbim të qytetarëve nga ana e komunës.
Bazuar në këtë raport, Komuna e Lipjanit për periudhën janar – dhjetor 2022 ka alokuar buxhetin në vlerë prej 19.351.933 milionë euro, ku janë shpenzuar 16.777.727 milionë euro, dhe të pashpenzuara kanë mbetur 2.574.205 milionë euro. Për PDK në Lipjan kjo është skandaloze, për faktin se 12 projekte të parapara për vitin 2022 nga Komuna e Lipjanit kanë mbetur të parealizuara, dhe këto mjete financiare nuk mund të kthehen më, shkruan dega e PDK-së në Lipjan.
Ndërsa, buxheti i Komunës së Lipjanit për periudhën 2023-2025 është hartuar nga 245 pjesëmarrës dhe nuk reflekton nevojat dhe kërkesat e qytetarëve të kësaj komune.
“Ky buxhet bie ndesh me ligjet e Republikës së Kosovës sa i përket investimeve kapitale, më saktësisht në linjën buxhetore për rregullimin e rrugëve nuk i specifikon rrugët me emra dhe adresa. Kjo po ndodhë sepse kryetari i Komunës së Lipjanit, Imri Ahmeti po tenton ta përqëndrojë paranë publike në interesa të ngushta klanore e politike”, njofton dega e PDK-së.
© SYRI.net
Një muaj paraburgim nga Beogradi për kosovarin e ndaluar në Serbi
Murati: Marrëveshjet e deritanishme janë marrë vetëm me serbët e Kosovës
17 vjeçari e ther me thikë një person në Ferizaj, arrestohet brenda dy orëve
Denonco
Merrni lajmet më të fundit nga SYRI.net në çdo moment dhe kudo që të jeni!
