Vendimi i Rozeta Hajdarit për çmimin e naftës, naftëtarët mblidhen sot

10:09, 09/02/2023

Pas vendimit të Ministres Rozeta Hajdari për caktimin e çmimit dhe masave tjera mbrojtëse të produkteve të naftës, naftëtarët do të mblidhen sot.

Lajmin për Gazetën Express e ka konfirmuar Kryetari i Shoqatës së Naftëtarëve, Fadil Berjani.

Takimi do të mbahet në orën 11:30.

“Sot kemi takim në ora 11:30. Ne akoma nuk kemi marrë kurrfarë vendimi. Çdo vendim i marrun, kompanitë e mëdha i lodhë, ndërsa kompanitë e mesme dhe të vogla i shkatërron”, ka thënë Berjani.

Ndryshe, Ministrja e Industrisë, Tregtisë dhe Ndërmarrësisë, Rozeta Hajdari, ka marrë vendim për caktimin e çmimit dhe masave tjera mbrojtëse të produkteve të naftës, “me qëllim mbrojtjen e konsumatorit, mbrojtjen e konkurrencës  dhe për të mënjanuar çrregullimet në treg”

Sipas këtij vendimi marzha tregtare maksimale e lejuar e shitjes me shumicë është dy (2) eurocentë për litër kurse marzha tregtare maksimale e lejuar e shitjes me pakicë është dymbëdhjetë (12) eurocentë për litër.

“Llogaritja e marzhës tregtare maksimale e lejuar për shitje me shumicë dhe pakicë  bëhet sipas nenit 4 paragrafi 1.1 dhe 1.2. të U/A Nr. 03/2022 Për Rregullimin e Çmimeve të Produkteve të Naftës dhe Karburanteve të Ripërtrishme dhe Masat e Tjera Mbrojtëse”, thuhet në njoftimin e Ministrisë.

© SYRI.net

Lexo edhe:

• IML thotë se raporti i autopsisë së Artila Kamerit ka përfunduar, por nuk është tërhequr ende nga Prokuroria
• Kurti në Berlin për anëtarësimin në KiE: Duam t’i bashkohemi klubit të demokracive europiane
• Kuvendi miraton Projektligjin për Zyrtarët Publikë