Tërmeti në Turqi duhet ta alarmoj Qeverin e Kosovës, MPB, MI, komunat dhe mbi të gjitha AME ( Agjencia për Menaxhimin e Emergjencave).
AME, duhet që urgjentisht të krijoj grupe punuese ( së bashku me Ministrinë e Infrastrukturës, komunat, shoqatat e inxhinierëve të ndërtimit, Fakultetin e Ndërtimtarisë, etj.) për të vlerësuar gjendjen fizike të objekteve kolektive ( me destinim banimi ose afarizmi), kushtet për intervenim në raste urgjente, etj.
Në shumicën e komunave , janë me mijëra objekte të ndërtuar pa plotësuar as kriteret më elementare të ndërtimit. Në këtë rast, një grup punues profesional do të konstatonte gjendjen faktike dhe mbi rezultatin e gjetjeve do të jepte rekomandimet konkrete, do të përcaktonte shkallën e përgjegjësisë për autoritetet që kanë lejuar e ndoshta edhe falsifikuar dokumentet për paisjen me leje ndërtimi për objektet që nuk i plotësojnë kriteret, etj..
Pothuaj në secilën komunë ka objekte shumëkatëshe të ndërtuara në largësi minimale dhe jasht çdo kriteri me njëra tjetrën ( mbase edhe me largësi prej 1 e 2m). Imagjinone se cila do të ishte mundësia e reagimit të institucioneve emergjente ( Ndihma e Shpejt, Zjarrfikësit, etj.) në këto objekte në rast të ndonjë fatkeqësie.
Vetkuptohet që nuk është në dorën tonë që të pengojmë paraqitjen e katastrofave natyrore si tërmetet, vërshimet e mëdha, stuhitë, etj.. Por, është përgjegjësi institucionale krijimi i kushteve për institucionet emergjente, që në raste të fatkeqësive të reagojnë profesionalisht dhe me efekasitet.
Bashkndjejmë me dhimbjen e atyre familjeve që kanë pësuar në tragjedinë e shkaktuar nga tërmeti ne Turqi e Siri!
© SYRI.net
Sherri i nisur në Elbasan, përfundon me vrasje në Pejë
S’ka rezultat nga takimi Bislimi-Petkoviq-Lajçak për dinarin, i radhës në maj
Bashkëpunoi në vrasjen e vajzës së tij, gjykata le të lirë babanë
Denonco
Merrni lajmet më të fundit nga SYRI.net në çdo moment dhe kudo që të jeni!
