Përdorimi i alkoolit po u shkakton telashe të mëdha qytetarëve kosovarë, të cilët shpesh humbin kontrollin mbi veprimet e tyre, duke u bërë kështu agresivë e duke krijuar probleme.
Kjo është edhe një ndër shkaktarët kryesorë të dhunës në familje, ku në shumicën e rasteve viktima janë gratë, por edhe anëtarët tjerë të familjes si fëmijët.
Kështu ka ndodhur së fundi ne nje familje në fshatin Istog i Poshtëm në komunën e Istogut, ku një burrë dyshohet se nën ndikimin e alkoolit ka ushtruar dhunë ndaj djalit të tij të mitur.
Sinjali mëson se përballë kësaj situate, i mituri ka denoncuar rastin në Polici, ku ka deklaruar se babai i tij ka shkuar i dehur në shtëpi dhe e ka rrahur.
Si pasojë e dhunës së përjetuar, 17-vjeçari ka pësuar lëndime të dukshme trupore, për çka edhe ka kërkuar ndihmë mjekësore.
I dyshuari është arrestuar dhe është shoqëruar në stacion policor për intervistim dhe po ashtu i është nënshtruar testit për alkool, ku ka rezultuar në gjendje të dehur.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor dhe i njëjti do të hetohet nën dyshimet për kryerjen e veprës penale ‘Dhunë në familje’.
© SYRI.net
Serbët 'jobesnikë' nga Kosova që 'shkelin' rendin kushtetues të Serbisë
Osmani, Kurti dhe Konjufca/ Zbardhet pasuria e liderëve kryesorë të Kosovës
Kurti deklaron pasurinë: Banesë në vlerë 400 mijë euro, kredi për të shlyer 250 mijë euro
Denonco
Merrni lajmet më të fundit nga SYRI.net në çdo moment dhe kudo që të jeni!
