Nagavci: MASHTI po e trajton me prioritet avancimin e sistemit të AAP-së

12:28, 02/02/2023

Është mbajtur konferenca e 5-të vjetore e Agjencisë për Arsim dhe Aftësim Profesional dhe Arsim të të rriturve në të cilën u shpalosën sukseset dhe sfidat e sistemit të AAP-së, raporton Syri.net Kosova.

Pjesëmarrëse ishte edhe ministrja e Arsimit, Arbërie Nagavci me ç’rast ka theksuar se MASHTI dhe Qeveria janë duke trajtuar me prioritet AAP-në dhe tashmë kanë ndërmarrë disa veprime konkrete.

Njoftimi i plotë:

✳️Sistemi i Arsimit Aftësimit Profesional (AAP) luan rol vendimtar në zhvillimin shoqëror dhe ekonomik të një shteti. AAP mban çelësin e progresit teknologjik, industrializimit të shpejtë, krijimit të pasurisë dhe uljes së varfërisë.

Sot u mbajt konferenca e 5-të vjetore e Agjencisë për Arsim dhe Aftësim Profesional dhe Arsim të të rriturve në të cilën u shpalosën sukseset dhe sfidat e sistemit të AAP-së.

Me këtë rast theksova se MASHTI dhe Qeveria janë duke trajtuar me prioritet AAP-në dhe tashmë kanë ndërmarrë disa veprime konkrete si:

✅Është themeluar Komisioni Ekzekutiv për avancimin e AAP-së në nivel të Kryeministrisë, që do të mundësojë bashkërenditje më të mirë ndërinstitucionale;

✅Inicimi i arsimit dual në katër profile, 3 komuna dhe 4 shkolla që ka ndikuar dukshëm në rritjen e interesimit të nxënësve për shkollat profesionale;

✅Ridefinimi i kritereve për financimin e shkollave profesionale, në bashkëpunim të ngushtë me Ministrinë e Financave;

✅Është në finalizim dokumenti i kornizës kurrikulare të AAP-së që do të jetë udhërrëfyes për strukturimin e kurrikulave që do të ofrohen në shkolla profesionale;

✅Është bërë standardizimi i modelit të qendrave për këshillim në karrierë dhe institucionalizimi i shërbimeve;

✅Është zhvilluar programi kualifikues për përgatitjen e mësimdhënësve para shërbimit për angazhim në shkollat profesionale.

AAP ofron për të rinjtë dhe të rriturit mundësi që ta gjejnë veten në treg të punës dhe të kenë të ardhme më të sigurtë.

Andaj, jemi duke vazhduar me inicimin e nismave tjera që do të avancojnë edhe më tej sistemin e AAP-së.

© SYRI.net

Lexo edhe:

• Vranët dhe me shi, parashikimi i motit për sot në Kosovë
• Atiq: Qytetarët serbë ndihen më të sigurtë se në të kaluarën
• Kurti jep detaje nga vizita në Bullgari: Pas Sofjes, vazhdojmë drejt Hanoverit të Gjermanisë