Tahiri: Kurti po luan lojë të pasinqertë me qytetarët, sonte do duhej ta shkarkonte Rashiqin

23:46, 31/01/2023

Anëtari i Kryesisë së LDK’së, Xhafer Tahiri thotë se kryeministri Albin Kurti dhe vartësit e tij po luajnë lojë të pasinqertë me qytetarët e Kosovës.

Tahiri në emisionin ‘dPt te Fidani’ në T7 tha se qeveritarët në takime me ndërkombëtarët nuk shprehen kundër Asociacionit. 

“Kurti dhe vartësit e vet po e luajnë një lojë të pasinqertë me qytetarët e Kosovës në raport me dialogun me Serbinë dhe për Asociacionin.

Në njërën anë në takime me ndërkombëtarët nuk shprehen kundër Asociacionit, sot ta zëmë në takim kanë qenë 4 përfaqësues të Kurtit”, tha ai,

Tutje, Tahiri tha se Kurti do të duhej sonte ta shkarkonte ministrin për Komunitete dhe kthim, Nenad Rashiqi, pasi kërkoi formimin e Asociacionit.

“Prandaj po them se është lojë e pasinqertë se janë pajtuar për të themeluar Asociacioni. Si munet Rashiq me kërku themelimin e Asociacioni e Kurti mos me kërku. Do të duhej sonte ta shkarkonte Rashiqin, pasi po kërkon një qëndrim që është i kundërt me atë të Kurtit. 

Miqtë ndërkombëtarë kanë kuptuar këtë pa sinqeritet”, tha Tahiri

© SYRI.net

Lexo edhe:

• Kurti ironizon me Vuçiqin: Refuzoi ofertën time 'bujare' për Asociacionin
• Largoi një zarf nga zyra, postierin e arrestojnë Krimet Ekonomike
• Analisti: Me e mbështet dakordesinë e Ohrit, duhesh me qenë i përfshirë në korrupsion