Agim Bahtiri ka treguar se si e ka takuar Ramush Haradinajn te shtëpia e Radojçiqit para se të bëhej qeveria e PAN it me kryeministër Haradinajn.
Bahtirit i është kërkuar të ndikojë që ministria e Bujqësisë t’i jepet Listës Serbe.
Pas takimit Haradinaj sipas Bahtirit ka hipur ne mercedesin e Radojçiqit me të cilin është larguar.
Bahtiri ka rrëfyer në kanal 10 se si e ka thirrur para këtij takimi Haradinaj dhe i ka thënë rreth orës 1 të natës se dëshiron ta takojë. Kur Bahtiri e ka pyetur Haradinaj i ka thënë se për lokacionin e thirr dikush tjetër. “Rakiqi më ka thirrë më pas në telefon dhe kam shkuar” ka thënë Agim Bahtiri në debatin televiziv.
Me votat e Listës serbe dhe kushtet e tyre Ramush Haradinaj ishte zgjedhur kryeministër. Ivan Radojçiq njihet si një figurë kriminale që udhëheq bandat në veriun e Kosovës.
© SYRI.net