Një grua shtatzënë ka mbetur e vdekur në oborrin e Qendrës Klinike Universitare.
Këtë për Syri.net Kosova e ka konfirmuar Agron Borovci – zëdhënës i Policisë së Kosovës për rajonin e Prishtinës.
‘Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë’, ka thënë ai.
Sipas policisë viktima është e moshës rreth 35 vjeç.
‘Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç’, ka thënë ai për Syri.net Kosova.
‘Mbështetur në informacionet e para, dyshimet e ngritura sugjerojnë se bëhet fjalë për vrasje.
Aktualisht policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes’, shtoi zëdhënësi i Policisë së Kosovës.
© SYRI.net