Ka shpërthyer për herë të parë që nga vitit 1984 vullkani Mauna Loa në Havai, i cili është më i madhi aktiv në botë. Lajmi është bërë i ditur nga Shërbimi Gjeologjik amerikan, ndërsa shpërthimet e para kanë nisur mbrëmjen e së dielës.
“Aktualisht, llava është në krater dhe nuk përbën rrezik për komunitetin”, thuhet në njoftim. Megjithatë, banorët pranë vullkanit janë paralajmëruar, pasi në fazat e ardhshme shpërthimet e vullkanit mund të jenë më dinamike dhe rrjedhja e llavës mund të ndryshojë me shpejtësi.
Në orët në vijim, autoritetet vendase pritet të kryejnë edhe inspektime nga ajri të vullkanit për të bërë një parashikim sa më të saktë të situatës në vazhdim.
Ishulli në Havai ku ndodhet vullkani është i banuar nga rreth 200 mijë persona. Ai është edhe shtëpia e disa personazheve të famshëm si komediania Roseanne Barr apo edhe të aktorit fitues të Çmimit Oscar Matthew McConaughey, i cili bleu shtëpinë për 7,85 milionë dollarë në vitin 2021 edhe pse pjesën më të madhe të kohës e kalon në Teksas./A2CNN
© SYRI.net
Eurodeputetja holandeze reagon pas maltretimit të kosovarëve në Serbi 
Kurti dhe Krasniqi priten në takim nënkryetarët e komunave veriore
MPJD konfirmon lirimin e zv.drejtorit të Policisë Dejan Jankoviq: Ndodhet rrugës për në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
