Kushtetuta e Kosovës është Alfa dhe Omega e çdo veprimi, tha Presidentja e Kosovës, Vjosa Osmani, në një konferencë për shtyp në Pragë në kuadër të samitit të parë të Komunitetit Politik Evropian kur u pyet nga gazetarët për çështjen e Asociacionit të Komunave me shumicë serbe.
I ashtuquajturi drejtor i zyrës së vetëquajtur “për Kosovën” në qeverinë serbe, Petar Petkoviç, reagoi ndaj Osmanin për formimin e Asociacionit, për çka tha se “nëse Kushtetuta e Kosvës është alfa dhe omega pse vendimi i Gjykatës Kushtetuese për njohjen e 24 hektarëve të Manastirit të Deçanit nuk është zbatuar”.
Petkoviç, përtej kësaj, tha se Serbia “alfa dhe omegë të saj” e ka, siç tha ai “Kushtetutën e Republikës së Serbisë”, kushtetutë kjo që ende gëzon iluzionin se Kosova është “pjesë” e saj.
“Nuk ka asnjë arsye që Vjosa Osmani të ketë kaq shumë frikë nga pyetja e gazetarit për formimin e Asociacionit të Komunës, sepse e ka obligim të pajtuar në Bruksel më 2013 dhe 2015”, u shpreh ai.
Presidentja e Kosovës, Vjosa Osmani, në lidhje me Asociacionin ka thënë se nuk mund të lejohet krijimi i një entiteti të ri në Ballkan siç është puna e “Republika Srpska”-s në Bosnje-Hercegovinë.
© SYRI.net
Një muaj paraburgim nga Beogradi për kosovarin e ndaluar në Serbi
Murati: Marrëveshjet e deritanishme janë marrë vetëm me serbët e Kosovës
17 vjeçari e ther me thikë një person në Ferizaj, arrestohet brenda dy orëve
Denonco
Merrni lajmet më të fundit nga SYRI.net në çdo moment dhe kudo që të jeni!
