Haki Abazi shpalos krejt pakënaqësitë që i ka me partinë e tij

10:34, 07/10/2022

Deputeti i Lëvizjes Vetëvendosje, Haki Abazi, ka shpalosur krejt pakënaqësitë që i ka me partinë e tij, përmes një konference për media.

Akuzat e Abazit janë drejtuar kryesisht ndaj udhëheqjes së partisë dhe njerëzve kryesorë të VV-së në Kuvend dhe në Qeveri.

Deputeti që drejton komisionin parlamentar për Politikë të Jashtme, tha se më shpesh mund ta shohin gazetarët ministren e Jashtme, Donika Gërvalla, se sa ai. Këtu ai thumboi Gërvallën për mungesë transparence në Komisionin që mbikëqyr politikën e jashtme.

“Ju mund ta shihni ministren e Jashtme, më shpesh se unë që jam kryetar i Komisionit për Politikë të Jashtme”, tha Abazi..

Ai ka pasur ankesa që deputetët po pasivizohen për shkak të “skenarëve”, që ai thotë se bëhen gjatë seancave.

Abazi thotë se flasin vetëm dy persona në emër të të gjithë grupit parlamentar. 

Deputeti i Lëvizjes Vetëvendosje, Haki Abazi, në konferencën e sotme për media ka thënë se s’është duke dalë nga VV-ja, derisa ka adresuar kritika për mënyrën se si po funksionon grupi i deputetëve të Vetëvendosjes brenda Kuvendit, raporton Syri.net Kosova

Ai ka pasur kritika për shefen e Grupit Parlamentar të Lëvizjes Vetëvendosje, Mimoza Kusarin-Lilën, për mënyrën e organizimit të deputetëve të partisë që drejton Albin Kurti. Ai thotë se fakti që ajo s’vjen nga VV është një hendikep i madh, derisa ka kritikuar Kusari-Lilën se s’ka provuar të krijojë kohezion mes deputetëve.

“Ajo që më ka bërë ta vendos në listën e këtyre çështjeve është një diskutim për mveshje të deputetit me anlfabetizëm. Nuk ka të bëjë kjo fare me mosangazhim apo me mospërgatitje. Ka të bëjë me skenarë që paraqiten në seancat plenare, dhe gjatë debateve të cilat nuk lënë hapsirë të mjaftueshme që deputetët të angazhohen. Dhe kjo ndryshon komplet nga analiza që bëhet se deputetët nuk janë aty për t’u paraqitur në foltore.

Shumica e deputetëve kanë gatishmëri që të përgatiten. Por, janë dy probleme brenda këtij skenari. Një është ndarja, ndarja se si bëhet në komisione parlamentare. Që shumica e deputetëve vendosen në pika të ndryshme dhe janë të papërgatitur për diskutime.

Ekziston një shkëputje e hallkës së diskutimit përmbajtjesor. Dhe e dyta sa i përket GP të Lëvizjes Vetëvendosje, ne kemi një hendikep të madh sepse kemi kryesues të GP parlamentar një njeri që nuk vie nga grupi parlamentar i yni, dhe as nuk është krijuar dhe as s'është tentuar të krijohet kohezion që deputetët ta japin më të mirën”, ka thënë Haki Abazi, raporton Syri.net Kosova

Ai ka thënë se këto çështje do t’i adresojë edhe në hierarkinë e partisë dhe qeverisë.

“Rrjedhimisht unë kam qenë i qartë, këto që po i them do ti them edhe në vazhdimësi edhe në hierarkinë institucionale dhe partiake. Është koha e fundit që ti kthehemi përmbajtjes dhe debatit përmbajtësor, dhe jo idesë se deputeti është makinëri votuese që deputeti duhet të ngre dorën për të votuar”, ka thënë Abazi.

© SYRI.net

Lexo edhe:

• Një muaj paraburgim nga Beogradi për kosovarin e ndaluar në Serbi
• Murati: Marrëveshjet e deritanishme janë marrë vetëm me serbët e Kosovës
• 17 vjeçari e ther me thikë një person në Ferizaj, arrestohet brenda dy orëve