Deputeti i Lëvizjes Vetëvendosje, Eman Rrahmani, e ka cilësuar si të turpshme mungesën e ministrit të Financave, Hekuran Murati, në Komisionin për Ekonomi.
Sipas Rrahmanit, ministri Murati s’ka asnjë arsye të mos jetë prezent në këtë komision, teksa shtoi se mungesat e tilla janë duke e cenuar integritetin e secilit deputet.
“Janë duke e cenuar integritetin e secilit deputet duke mos marrë pjesë dhe duke u lajmëruar 2 minuta para orës 11 që nuk vjen ministri. Kjo është e turpshme për secilin”, është shprehur Rrahmani.
Tutje, ai numëroi edhe mungesën e ministrit të Shëndetësisë, Rifat Latifi dhe të ministres së Arsimit, Arbërie Nagavci, ku tha po u pamundësohet që të jenë funksional në Komisionin për Ekonomi.
Kujtojmë se ministri i Financave, Hekuran Murati, nuk ka qenë prezent në këtë komision, pasi i njëjti ka udhëtuar për në Durrës të Shqipërisë, ku ka vizituar portin detar të këtij qyteti.
© SYRI.net