Nis regjistrimi i popullsisë në Luginën e Preshevës

13:07, 01/10/2022

Më 1 tetor në Serbi ka nisur regjistrimi i popullsisë, rrjedhimisht edhe regjistrimi i popullsisë në Preshevë, Megjvegjë dhe Bujanoc.

Përfaqësuesit e subjekteve politike shqiptare dhe Këshilli Kombëtar Shqiptar në Serbi, kanë bërë thirrje shqiptarëve të participojnë në censusin në Serbi.

Ragmi Mustafi, kryetari i Këshillit Kombëtar Shqiptar, ka bërë të ditur se regjistrimi do të zgjasë për 1 muaj.

“Më 1 tetor fillon regjistrimi i popullsisë edhe në Luginën e Preshevës, një moment jashtëzakonisht i rëndësishëm, madje edhe historik. Për dy dekada kishim më pak shërbime e më pak institucione. Andaj le t’i përgjigjemi diskriminimit me regjistrim. Le t’i përgjigjemi pasivizimit duke regjistruar çdo shqiptar”, ka thënë Mustafi.

Postimi i tij:

REGJISTROHU!

[🔴] [📝]  me sot edhe 31 ditë zgjat regjistrimi popullsisë.

[🟢] Në komunën e Preshevës janë 73 regjistrues të udhëhequr nga 12 instruktor.

[🟢] Në komunën e Bujanoc janë 83 regjistrues të udhëhequr nga 13 instruktor.

[🟢] Në komunën e Medvegjës janë 21 regjistrues të udhëhequr nga 4 instruktor.

[🔴] Çdo regjistrues ka detyrim ligjor që të vizitoj çdo shtëpi dhe ti regjistroj gjithë familjarët.

[🔴]  Emri, mbiemri dhe numri personal janë të dhënat e nevojshme për anëtarët e familjes nga Diaspora

[🔴]  Call Center është 0800 444 005, thirrja është pa pages. Ju vetë mund të lini terminin se në çfarë kohe të vie regjistruesi.

[🟢] Regjistrohu, regjistro familjen, regjistro të gjithë e gjithsecilin nga Kosova apo nga Diaspora.

© SYRI.net

Lexo edhe:

• Një muaj paraburgim nga Beogradi për kosovarin e ndaluar në Serbi
• Murati: Marrëveshjet e deritanishme janë marrë vetëm me serbët e Kosovës
• 17 vjeçari e ther me thikë një person në Ferizaj, arrestohet brenda dy orëve