Zëvendëskryeministri për Integrim, Besnik Bislimi, ka thënë se futja në agjendë e liberalizimit të vizave për Kosovën në Këshillin e BE-së, është hap i rëndësishëm, por jo final, pasi siç tha ai, janë pesë procedura që duhet kaluar.
Në konferencën e përbashkët me ministrin e Jashtëm çek, Jan Lipavsky, Bislimi e falënderoi homologun e tij për futjen në agjendë liberalizimin e vizave për Kosovën, në mbledhjen e ministrave të Jashtëm të BE-së.
“E çmojmë që ju e keni vendosur lartë në agjendë të mbledhjes së Këshillit liberalizim e vizave për Kosovën. Ky është një hap shumë i rëndësishëm, por jo hapi final për liberalizim vizash. Janë pesë procedura, por jam shumë i bindur se Republika Çeke do të mundohet ta shtyjë përpara këtë proces gjatë presidencës së tyre, kështu që së shpejti do marrim një përgjigje pozitive për qytetarët që të mund të lëvizin të lirë, por ju rikujtoj se ky është vetëm hapi i parë, por shumë i rëndësishëm drejt liberalizimit të vizave”, tha Bislimi.
© SYRI.net
Eurodeputetja holandeze reagon pas maltretimit të kosovarëve në Serbi 
Kurti dhe Krasniqi priten në takim nënkryetarët e komunave veriore
MPJD konfirmon lirimin e zv.drejtorit të Policisë Dejan Jankoviq: Ndodhet rrugës për në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
