Uragani Ian la shkatërrim në Floridën jugperëndimore, duke bllokuar njerëz brenda në shtëpitë e përmbytura, duke dëmtuar çatinë e një njësie të kujdesit intensiv të spitalit dhe ndërprerë energjinë te 2 milionë njerëz përpara se të vërsulej drejt brigjeve të Atlantikut.
Një nga uraganet më të fortë që ka goditur ndonjëherë Shtetet e Bashkuara e përshkoi gadishullin e Floridës gjatë natës së të mërkurës, duke kërcënuar me përmbytje katastrofike brenda vendit, paralajmëroi Qendra Kombëtare e Uraganeve.
Në Port Charlotte, përgjatë bregut të Gjirit të Floridës, stuhia përmbyti një dhomë urgjence në një spital, ndërkohë që erërat e forta rrëmbyen një pjesë të çatisë nga njësia e kujdesit intensiv, sipas një mjeku që punon atje.
“Uji shpërtheu në njesinë e kujdesit intensiv, duke e detyruar personelin të evakuonte pacientët më të sëmurë të spitalit - disa prej të cilëve ishin në ventilatorë - në katet e tjera”, tha Dr. Birgit Bodine nga spitali Faëcett. Personeli mjekësor përdori peshqirë dhe kosha plastik për të pastruar rrëmujën që shkaktoi uji.
Spitali shtrihet në katër kate, por pacientët u mblodhën në vetëm dy për shkak të dëmtimit.
Dr. Bodine planifikoi ta kalonte natën atje në rast se njerëzit e lënduar nga stuhia kishin nevojë për ndihmë.
"Për sa kohë që pacientët tanë janë në rregull dhe askush nuk vdiq apo u sëmurë rëndë, kjo është ajo që ka rëndësi," tha Bodine.
Policia në Fort Myers aty pranë mori telefonata nga njerëz të bllokuar në shtëpitë e përmbytura ose nga të afërm të shqetësuar. Lutjet e tyre u postuan gjithashtu në faqet e mediave sociale, disa me video që tregonin ujin plot me mbeturina që zvarritej drejt shtëpive.
Brittany Hailer, një gazetare në Pittsburgh, kontaktoi ekipet e shpëtimit për nënën e saj në North Fort Myers, shtëpia e së cilës u përmbyt nga1,5 metra ujë.
“Nuk e dimë se kur do të bjerë uji. Ne nuk e dimë se si do të largohen, makinat e tyre janë bllokuar, "tha Hailer. "Rruga e vetme për të dalë është me varkë."
Uragani Ian i ktheu rrugët në lumenj dhe rrëzoi pemët kur u përplas në jugperëndim të Floridës të mërkurën me erëra 241 km/h. Fuqia e Ian-it në tokë ishte e kategorisë 4 dhe e lidh atë me uraganin e pestë më të fortë, kur matet me shpejtësinë e erës, që mund të ketë goditur ndonjëherë SHBA-në.
© SYRI.net
Stano: Për masat e Kosovës vendos Këshilli i Ministrave në bazë të raportit të Borrellit
Të shtëna me armë zjarri në Hajvali
Pezullimi nga puna i profesorit pas akuzave për ngacmim seksual, Nagavci e mirëpret vendimin e Rektorit
Denonco
Merrni lajmet më të fundit nga SYRI.net në çdo moment dhe kudo që të jeni!
