Kolona dhe pritje të gjata janë regjistruar mëngjesin e sotëm në pikat kufitare me Serbinë, përkatësisht në dalje të Kosovës.
Ministria e Punëve të Brendshme të Kosovës (MPB), gjegjësisht Qendra Kombëtare për Menaxhim Kufitar (QKMK), ka njoftuar se qytetarët të cilët janë duke u larguar nga Kosova për në vendet e ndryshme të Bashkimit Evropian, e që kalojnë nëpër Serbi, janë duke u përballur me pritje dhe kolona të gjata.
Në dalje të Kosovës në Merdare kolona është deri në 1.2 kilometër, përderisa pritja arrin deri në 200 minuta apo 3 orë e gjysmë.
Kolonë e pritje të gjatë ka edhe në pikën kufitare Dheu i Bardhë për në dalje të Kosovës. Sipas QKMK-së, atje qytetarët për të dalë nga Kosova po presin deri në 1 orë e gjysmë.
Kurse në Mutivodë pritja për në dalje të Kosovës është 30 minuta, ndërkaq në Jarinje pritja është 20 minuta.
© SYRI.net
LDK: Raporti i DASH-it, konfirmim i shqetësimeve të ngritura në vazhdimësi
Diskriminimi i shqiptarëve, temë diskutimi në takimin e Kamberit me Von Cramonin
Hoti: Qeveria Kurti me tendencë për diktaturë, raporti i DASH shqetësues për Kosovën
Denonco
Merrni lajmet më të fundit nga SYRI.net në çdo moment dhe kudo që të jeni!
