Sulmuesi nga Cetinja është goditur me të paktën pesë plumba, policia po negocion me njeriun që e ka vrau

14:58, 13/08/2022 Vuk Boriloviq u godit nga të paktën pesë plumba, tregoi autopsia.

Sipas informacioneve të “Vijesti”, nga autopsia rezulton se Boriloviq ka pasur të paktën pesë plagë në hyrje, ndërsa ekspertët balistikë dhe patologët do të japin vlerësim se me cilat armë është qëlluar Boriloviq dhe cilat plagë kanë qenë fatale, transmeton Demokracia.com.

Boriloviqi dje në qendër të Cetinjes vrau dhjetë bashkëqytetarë, mes të cilëve dy fëmijë të mitur dhe plagosi gjashtë prej tyre.

“Vijesti” mësoi se Boriloviq kishte leje për armën që e përdori për të kryer masakrën e paprecedentë në Cetinje.

Gjatë dramës së përgjakshme, Boriloviq qëlloi me pushkë gjuetie fqinjët, shërbimet e urgjencës mjekësore, policët dhe kalimtarët.

Sipas autoriteteve, gjatë shkëmbimit të zjarrit me policinë, ai është qëlluar për vdekje nga një bashkëqytetar i tij.

Më parë, Boriloviq refuzoi të dorëzohej tek autoritetet e zbatimit të ligjit, edhe pse ishte i rrethuar.

Sipas informacioneve jozyrtare dyshohet se po zhvillohen negociata mes N.K. (Nenad Kalugjeroviq) dhe policisë për t’u dorëzuar, pasi ai është larguar nga vendi i ngjarjes pasi kishte qëlluar sulmuesin, transmeton Standardi malazez.

Gjatë rindërtimit të gjithë ngjarjes, ngjarja makabre zgjati rreth 45 minuta deri në një orë, ndërsa Boriloviqi vrau një nga një qytetarwt me një karabinë gjuetie.

Sipas dëshmitarëve okularë, u desh shumë kohë që policia të niste likuidimin e sulmuesve. Në shkëmbimin e zjarrit policia dyshohet se ia doli ta plagos Boriloviqin, por ai ia ktheu sulmin dhe plagosi rëndë edhe njërin nga policët.

Kalugjeroviq, i cili është kumbari i martuar i njërës prej viktimave, Milan Mitroviqit të vrarë, ka arritur të afrohet nga ana tjetër, ku terreni ishte më i paarritshëm, dhe ta përmbysë tashmë të plagosurin duke e qëlluar, shkruan Standardi.

Në Kodin Penal të Malit të Zi, në nenin 10 të atij ligji, thuhet se vepra e kryer në vetëmbrojtje nuk është vepër penale dhe se mbrojtja është e nevojshme nëse kryesit i kërkohet të zmbrapsë një sulm të njëkohshëm ose të afërt të paligjshëm.

Në këtë nen shtohet se autori që ka tejkaluar kufijtë e mbrojtjes së nevojshme mund të dënohet më lehtë dhe nëse shkeljen e ka kryer për shkak të acarimit të fortë apo frikës së shkaktuar nga sulmi, mund të lirohet nga dënimi.

© SYRI.net

Lexo edhe:

• Stano: Për masat e Kosovës vendos Këshilli i Ministrave në bazë të raportit të Borrellit
• Të shtëna me armë zjarri në Hajvali
• Pezullimi nga puna i profesorit pas akuzave për ngacmim seksual, Nagavci e mirëpret vendimin e Rektorit