Deputeti i Lidhjes Demokratike të Kosovës, Besian Mustafa ka kritikuar Qeverinë Kurti për “mos-ofrim të zgjidhjes për dimrin e ftohtë e të errët që po na afron”.
Kjo deklaratë e tij vjen pasi ministrja e Ekonomisë paralajmëroi dimër të vështirë në Kosovë për shkak të energjisë elektrike.
E për këtë, ligjvënësi opozitar shkroi se “qeveria i paska rrudhur krahët duke ua lënë fajin qytetarëve”.
“Në vend që të ofrojë zgjidhje për dimrin e ftohtë e të errët që po na afron, në mungesë të energjisë elektrike dhe me çmime marramendëse të lëndëve djegëse për ngrohje, Qeveria sot i paska rrudhur krahët duke ua lënë fajin qytetarëve ‘duhet ta kurseni rrymën’”, shkroi ai.
“Pra, qytetarët këtë dimër të egër s’kanë çka i drejtojnë sytë kah Qeveria, ajo me sot i ka lënë të braktisur. ‘Zoti ua bëftë qarën’ tha Qeveria sot dhe i rrudhi krahët”, përfundoi Mustafa.
Postimi i tij:
© SYRI.net