Kryeministri Albin Kurti priti në takime të veçanta përfaqësuesit e Federatës së Sindikatave të Shëndetësisë së Kosovës si dhe u.d. drejtoreshën e Shërbimit Spitalor dhe Klinik Universitar të Kosovës (ShSKUK) Dr. Pranvera Zejnullahu Raçi.
Bashkëpunimi në përmirësimin e pozicionit të punonjësve shëndetësorë përmes dialogut social ishte në qendër të takimit mes Kurtit dhe përfaqësuesve të Federatës së Sindikatave të Shëndetësisë së Kosovës, njofton Zyra e Kryeministrit.
Në takimin e përbashkët me ministrin e Shëndetësisë, Rifat Latifi dhe zëvendësministren Dafina Gexha Bunjaku, u theksua përkrahja dhe gatishmëria e Qeverisë për thellim dhe zgjerim të bashkëpunimit me FSShK-në.
Kryetarja e FSShK-së, znj.Tevide Imeri falënderoi kryeministrin për mikpritjen dhe përkrahjen, duke theksuar se FSShK-ja mbetet e përkushtuar për mbrojtjen e punonjësve shëndetësorë, duke përkrahur punëtorët e përkushtuar dhe profesionistë.
Përfaqësuesit e FSShK-së e njoftuan kryeministrin me sfidat të cilat përballen profesionistët shëndetësorë në punën e përditshme. Në këtë takim u dakorduan që komunikimi do të jetë i vazhdueshëm, me qëllim të ngritjes së nivelit të shërbimeve shëndetësore dhe sigurimit të punës me dinjitet për profesionistët shëndetësorë.
Ndërkaq në takim me u.d. drejtoreshën e ShSKUK-së, Dr.Pranvera Zejnullahu Raçi e uroi atë për marrjen e detyrës së re, si dhe u diskutuan sfidat aktuale në ShSKUK dhe strategjitë e reformimit të sistemit të kujdesit shëndetësor dytësor dhe tretësor.
Dr. Zejnullahu Raçi prezantoi planet afatshkurtra dhe imediate për përmirësimin dhe avancimin e shërbimeve shëndetësore për pacientët, si dhe krijimin e mjedisit të përshtatshëm për punonjësit shëndetësorë.
Kryeministri Kurti ofroi përkrahjen e Qeverisë për realizimin e objektivave për kujdes sa më të mirë shëndetësor, për ruajtjen dhe mbrojtjen e shëndetit të qytetarëve.
© SYRI.net
MPJD konfirmon lirimin e zv.drejtorit të Policisë Dejan Jankoviq: Ndodhet rrugës për në Kosovë 
Të shtëna me armë zjarri në Prishtinë
Lirohet zëvendësdrejtori i Policisë, Dejan Jankoviq
Denonco
Merrni lajmet më të fundit nga SYRI.net në çdo moment dhe kudo që të jeni!
