Albin Kurti, kryeministër i Kosovës, të martën ka pritur në takim ministrin e Shëndetësisë, Rifat Latifi bashkë me zëvendësen e tij, Dafina Gexha-Bunjaku si dhe Bordin e Shërbimit Spitalor dhe Klinik Universitar të Kosovës (ShSHUK).
Takimi vjen në një kohë kur Valbon Krasniqi ka dhënë dorëheqje nga pozita e drejtorit të ShSHUK-së – atij para se të dorëhiqej, iu kishte përmendur shkarkimi.
E kryeministri i Kosovës është zotuar për angazhim të shtuar në fushën e shëndetësisë, ka njoftuar zyra e kryeministrit.
Kjo zyre ka treguar për gjashtë temat kryesore që u trajtuan në këtë takim:
1) Ndarja dhe bashkëpunimi publiko-privat në sektorin e shëndetësisë.
2) Sistemi Informativ Shëndetësor dhe sigurimet shëndetësore.
3) Reforma e sistemit shëndetësor, në veçanti e ShSKUK-së, për fuqizimin e QKUK-së, të spitaleve rajonale dhe kujdesit parësor shëndetësor.
4) Raporti i sektorit publik të shëndetësisë, si shërbim e kujdes profesional me Fakultetin e Mjekësisë të Universitetit, si vatër e kërkimit, hulumtimit dhe studimit shkencor.
5) Nevoja për Spitalin rajonal të Prishtinës.
6) Raporti i MSh-së dhe ShSKUK-së me pesë odat e profesionistëve shëndetësorë: të mjekëve, të infermierëve, të stomatologëve, të farmacistëve dhe të fizioterapeutëve.
Shëndetësia është në fokus të çdo qeverie për shkak të pandemisë COVID-19.
© SYRI.net
Një muaj paraburgim nga Beogradi për kosovarin e ndaluar në Serbi
Murati: Marrëveshjet e deritanishme janë marrë vetëm me serbët e Kosovës
17 vjeçari e ther me thikë një person në Ferizaj, arrestohet brenda dy orëve
Denonco
Merrni lajmet më të fundit nga SYRI.net në çdo moment dhe kudo që të jeni!
