Kërcënon ‘kukulla' e Putin: Raketa ‘Satan II’ do godasë 'Downing Street' dhe 'Shtëpinë e Bardhë'

19:06, 29/06/2022

E ashtuquajtura “Kukulla e Hekurt” (Olga Skabeyeva) e Vladimir Putin ka kërcënuar se do të godasë 'Dowing Street' dhe Shtëpinë e Bardhë, ndërsa Rusia publikon imazhe satelitore të objektivave të saj.

Në një paralajmërim rrëqethës, propagandistja televizive Olga Skabeyeva ndau fotografi të “qendrave vendimmarrëse” në Perëndim, të cilat mund të shkatërrohen nga Rusia nga sulmi bërthamor, duke përfshirë selinë e NATO-s në Bruksel.

Mesazhi i saj përkoi me samitin e NATO-s në Madrid, vendndodhja e të cilit ishte gjithashtu “në shënjestër”.

Ajo tha: Një përshëndetje për pjesëmarrësit e samitit të NATO-s, një blloku haptazi armiqësor ndaj Rusisë. “Shikoni ekranin, por mos kini frikë, ju lutem. Agjencia Ruse e Hapësirës publikoi imazhe satelitore dhe koordinata të sakta të atyre që ne i quajmë “qendrat vendimmarrëse” të vendeve perëndimore. Dhe vendi i samitit në Madrid, ku Rusia shpallet armiku më i keq.”

Skabeyeva pretendoi se ky nuk ishte një kërcënim, por shtoi: “Le ta kenë parasysh”.

Ukraina akuzoi shefin rus të hapësirës Dmitry Rogozin “se kishte humbur kontaktin me realitetin” pasi ai postoi fotografitë satelitore dhe koordinatat që do të përdoreshin në një sulm bërthamor.

Rogozin, një aleat i ngushtë i Putinit, tha: “Në Madrid hapet samiti i NATO-s, në të cilin vendet perëndimore do ta shpallin Rusinë armikun e tyre më të keq”.

Ai postoi imazhe satelitore ushtarake ruse të Pentagonit, Pallatit Élysée në Paris dhe Kancelarisë Gjermane në Berlin.

Rrogozin njoftoi gjithashtu se raketat gjigante hipersonike 'Satan2' tani janë në prodhim masiv pas vetëm një lëshimi të suksesshëm prove.

Ai tha se lëshimi i dytë provë i raketës balistike ndërkontinentale Sarmat – i njohur në Perëndim si Satan-2 – ishte “në plan”.

“Ne kemi filluar tashmë krijimin masiv të raketave,” tha ai.

Raketa  vdekjeprurëse bërthamore 'Satan 2'  mund të fluturojë mbi 11,000 milje, të mbajë 15 koka luftarake dhe ka potencialin të shkatërrojë një zonë me madhësinë e Mbretërisë së Bashkuar me  një goditje të vetme,

Putin e përshëndeti zhvillimin e raketës së re si “një ngjarje të madhe dhe domethënëse” për industrinë ruse të mbrojtjes.

Putini ka lëshuar një sërë kërcënimesh bërthamore për Perëndimin ndërsa tensionet rriten mbi Ukrainën

Prodhimi i armës vrasëse vjen pasi Putini lëshoi ​​një sërë kërcënimesh për Perëndimin në mes të tensioneve për luftën në Ukrainë.

© SYRI.net

Lexo edhe:

• Raporti i ‘Freedom House’: Edona James ndryshoi perceptimin e njerëzve për komunitetin LGBT+
• Sarrazin: Mbështesim Kosovën për anëtarësim në KiE, kriteret që i përmend Serbia nuk janë edhe tonat
• Nesër seancë plenare në Kuvend, ky është rendi i ditës