Anulimi i vizitës së Trendafiloves, Molliqaj: Evidente frika se mos kjo gjykatë po zhvishet nga drejtësia

17:13, 29/06/2022

Pasi kryetarja e Gjykatës Speciale, Ekaterina Trendafilova, e anuloi vizitën e saj në Kosovë ka reaguar i pari i PSD-së, Dardan Molliqaj.

Molliqaj paraprakisht kishte paralajmëruar protestë në rast të ardhjes së Trendafilovës në Kosovë.

Kreu i PSD-së e quan “mision të pamundur, misionin e znj. Trendafilova”.

“Takimi u anulua, në ndërkohë që protesta ishte paralajmëruar. E si mos t’i lidhim këto të dyja kur znj. Trendafilova në intervistën e dhënë flet për sondazhe, matje të opinionin publik në relacion me imazhin e Gjykatës Speciale? Cila gjykatë, diku në botë, merret me matje të opinionit publik? Nëse mbështetja nuk mungon, çka është tërë ky investim në imazh?”, shkruan Molliqaj.

Ai thotë se është evidente frika nga ballafaqimi se mos kjo gjykatë po zhvishet nga pretendimet për drejtësi.

“Është evidente frika nga ballafaqimi. Frika se mos kjo gjykatë po zhvishet nga pretendimet për drejtësi, edhe ashtu të sforcuara. Arbitrariteti që ushtrohet nga kjo gjykatë e mbivendosur mund të ushtrohet në ato gjykatore pa simbole të shtetit të Kosovës, por kur zbret në terren, prej nga ka dalur UÇK, situata ndryshon. Mbështetja mungon. Organizimi për kundërshtim vazhdon”, përfundon Molliqaj.

Postimi i plotë:

Misioni znj. Trendafilova, mision i pamundur

Takimi u anulua, në ndërkohë që protesta ishte paralajmëruar. E si mos t’i lidhim këto të dyja kur znj. Trendafilova në intervistën e dhënë flet për sondazhe, matje të opinionin publik në relacion me imazhin e Gjykatës Speciale? Cila gjykatë, diku në botë, merret me matje të opinionit publik? Nëse mbështetja nuk mungon, çka është tërë ky investim në imazh?
Është evidente frika nga ballafaqimi. Frika se mos kjo gjykatë po zhvishet nga pretendimet për drejtësi, edhe ashtu të sforcuara. Arbitrariteti që ushtrohet nga kjo gjykatë e mbivendosur mund të ushtrohet në ato gjykatore pa simbole të shtetit të Kosovës, por kur zbret në terren, prej nga ka dalur UÇK, situata ndryshon. Mbështetja mungon.
Organizimi për kundërshtim vazhdon.

 

© SYRI.net

Lexo edhe:

• Ramiz Qeriqi pohon se kishte polici ushtarake në batalionin e tij
• Sandulloviq falënderon Osmanin për ngritjen e çështjes së tij në OKB
• Prokuroria Speciale pranon donacion nga Ambasada Britanike për intervistimin e të pandehurve dhe dëshmitarëve