Kryeministri i Kosovës, Albin Kurti e deputetja e Vetëvendosjes nga Lista Guxo, Jeta Statovci, u takuan me Sekretaren zvicerane të Shtetit, Livia Leu.
Këtë e bëri të ditur deputetja Statovci, e cila tha se marrëdhëniet mes Kosovës e Zvicrës kanë qenë gjithmonë të veçanta, por sipas saj, tash vetëm po thellohen, si në aspektin ekonomik edhe në atë politik.
“Në këtë takim e konfirmuam gatishmërinë tonë për bashkëpunim ekonomik midis dy vendeve tona, me qëllim që të rrisim shkëmbimet tregtare dhe krijojmë mundësi potenciale për investitorë zviceranë në Kosovë. Po ashtu, theksuam rolin dhe rëndësinë e madhe që ka marrëveshja e tregtisë së lirë EFTA, temë e ngritur dhe theksuar qartë edhe gjatë vizitës së Grupit të Miqësisë Kosovë-Zvicër”, ka shkruar Statovci.
Statovci tha se në këtë takim u fol edhe për Ballkanin, ku siç tha ajo, u theksua se Procesi i Berlinit është e vetmja alternativë për Qeverinë e Kosovës.
“Gjithashtu, pjesë e diskutimit ishte dhe siguria në Ballkanin Perëndimor dhe zhvillimet ndërmjet Serbisë dhe Kosovës, përgjatë procesit të dialogut në Bruksel”, shkroi Statovci.
© SYRI.net
Policia serbe arreston një kosovar me pretendimet se ka kryer krime lufte
Osmani: Kam më shumë informacione nga sulmi në Banjskë, do të kërkoj dalje nga “Ballkani i Hapur”
Bislimi pas takimit për dinarin, thotë se pala serbe s’pati ide si të trajtohet propozimi fillestar i Lajçakut
Denonco
Merrni lajmet më të fundit nga SYRI.net në çdo moment dhe kudo që të jeni!
