Kryeministri i Kosovës, Albin Kurti, është shprehur i pikëlluar nga lajmi për vdekjen e ish-presidentit të Shqipërisë, Bujar Nishani.
Kurti tha se Nishani do të kujtohet për kontributin e tij në karrierën profesionale si ushtarak, pedagog, deputet e ministër, teksa shtoi se është mirënjohjes që Nishani ia dha shtetësinë shqiptare gjatë mandatit të tij.
“Gjatë mandatit të tij si President i Republikës së Shqipërisë, me maturi e urtësi politike punoi për shtetin modern shqiptar”.
“Me vetëdije të lartë kombëtare u angazhua në intensifikimin e marrëdhënieve vëllazërore mes Shqipërisë e Kosovës, dha mbështetje të pakursyer për Republikën e Kosovës dhe bashkatdhetarët tonë kudo”, ka shkruar Kurti.
Kurti, në emër të Qeverisë së Kosovës u shprehu ngushëllime familjes Nishani e kombit shqiptar për presidentin e shtetit, siç e quajti ai, amë, Shqipërinë.
Statusi i Kurtit
Jam thellësisht i pikëlluar nga lajmi për ndarjen nga jeta të ish Presidentit të Republikës së Shqipërisë, Bujar Nishani. Do të kujtohet për kontributin e tij në karrierën profesionale si ushtarak e pedagog, deputet e ministër.
Gjatë mandatit të tij si President i Republikës së Shqipërisë, me maturi e urtësi politike punoi për shtetin modern shqiptar. Me vetëdije të lartë kombëtare u angazhua në intensifikimin e marrëdhënieve vëllazërore mes Shqipërisë e Kosovës, dha mbështetje të pakursyer për Republikën e Kosovës dhe bashkatdhetarët tonë kudo.
I jam mirënjohës për dhënien e shtetësisë shqiptare gjatë mandatit të tij. Në këto ditë të vështira për familjen, në emër të Qeverisë së Republikës së Kosovës dhe në emrin tim, u shpreh ngushëllimet më të sinqerta zonjës Odeta për humbjen e bashkëshortit, Ersit dhe Fionës për babain, dhe mbarë kombit shqiptar për Presidentin e shtetit tonë amë.
© SYRI.net