Nga sot e deri nesër unaza qendrore e Prishtinës do të jetë njëkahore për automjete.
Ky vendim është marrë nga Komuna e Prishtinës, e ndonëse është veç në fazën e testimit, qëllimi sipas komunës është zgjidhja afatgjate për lirimin e mbingarkesës së trafikut rrugor.
“Qarkorja njëkahëshe gjatë kësaj fundjave do të jetë funksionale në drejtim të rrugëve :
– Rruga “Agim Ramadani”që nga semaforët pranë ish-menzës së Studentëve e deri te rrethrrotullimi prapa ndërtesës së Komunës.
– Rruga “UÇK” nga Parlamenti e deri te ish-Kino Rinia
– Rruga “Migjeni” deri te ndërtesa e ish-OSBE
– Rruga “Luan Haradinaj” deri te semaforët pranë Bankës Qendrore
– Rruga “Garibaldi” deri te semaforët pranë Grandit
Po në këto data, rrugët e poshtë cekura do të jenë të mbyllura për automjete dhe do të shfrytëzohen për aktivitetet e parapara në “Festivalin e Pranverës”:
– Rruga “George Bush” deri tek semaforët pranë Katedrales.
– Rruga “Garibardi” deri tek semaforët pranë rrugës ”Dritan Hoxha””, thuhet në njoftimin e komunës, transmeton Klankosova.tv.
Komuna e Prishtinës u ka bërë thirrje qytetarëve që të kenë durim gjatë kësaj periudhe provuese të ndryshimit të qarkullimit.
© SYRI.net
Stano: Për masat e Kosovës vendos Këshilli i Ministrave në bazë të raportit të Borrellit
Të shtëna me armë zjarri në Hajvali
Pezullimi nga puna i profesorit pas akuzave për ngacmim seksual, Nagavci e mirëpret vendimin e Rektorit
Denonco
Merrni lajmet më të fundit nga SYRI.net në çdo moment dhe kudo që të jeni!
