Ministrat Milojko Spajiq, Jakov Milatoviq, Ratko Mitroviq e Vesna Bratiq në qeverinë e Malit të Zi, iu bashkuan protestuesve për shkak se më 1 shkurt është thirrur seanca e mosbesimit ndaj qeverisë së udhëhequr nga kryeministri Zdravko Krivokapiq.
Spajiq, përpara gazetarëve tha se zgjidhja e vetme në situatën momentale në Mal të Zi janë zgjedhjet, dhe se sipas tij, asgjë nuk do të ndryshojë brenda natës.
“Kjo është maratonë, asgjë nuk do të ndryshojë brenda natës. Duhet të jemi këmbëngulës dhe do të fitojmë”, tha Spajiq, shkruan rtcg.
Ndërsa, ministri i zhvillimit ekonomik tha se Bashkësia ndërkombëtare nuk qëndron prapa qeverisë së pakicës, që synohet të bëhet me në krye Dritan Abazoviqin.
“Duhet të çmitizohet se bashkësia ndërkombëtare qëndron prapa qeverisë së pakicës. Pas qeverisë së pakicës qëndron mashtrimi i vullnetit të votuesve nga 30 gushti,” u tha Milatoviq gazetarëve.
Kujtojmë se Dritan Abazoviq është shkarkuar nga pozita e zëvendëskryeministrit, ndërsa nëse qeveria aktuale bie më 1 shkurt, ai do ta synojë postin e kryeministrit.
© SYRI.net
Kosova në alarm/ Rikthehen shpërthimet në Mitrovicën veriore
KQZ sot njofton për qendrat e reja të votimit, a do të votohet nëpër kontejnerë?
Sot në të gjitha shkollat e kryeqytetit ora e parë i dedikohet kundërshtimit të dhunës gjinore
Denonco
Merrni lajmet më të fundit nga SYRI.net në çdo moment dhe kudo që të jeni!
