Dardan Sejdiu, i cili e kishte mbështetur PDK-në e Prishtinës në zgjedhjet e sivjetme lokale, po shtyhet nga një grup i rëndësishëm brenda degës së PDK-së në Prishtinë për nënkryetar të kryeqytetit.
Emra të tjerë që po lakohen brenda PDK-së për të marrë përgjegjësi në bashkëqeverisje në komunën e Prishtinës janë edhe Donjeta Sahtqiu, si Drejtoreshë e Arsimit.
Sahatqiu, sipas burimeve brenda degës së PDK-së në Prishtinë, thuhet se ka qenë ish-asistente e Dardan Sejdiut dhe Shpend Ahmetit në komunën e Prishtinës, informacion ky të cilin Demokracia.com nuk ka arritur ta konfirmojë.
Pas Sahatqiut, emri për Drejtor të Shërbimeve Publike po i lakohet edhe Ilirik Musliut, i cili është një prej asamblistëve më të votuar në Prishtinë.
Drejtoria e Kulturës po përflitet se mund t’i besohet Besiana Musmuratit, e cila njihet për kontributin e gjatë si pjesë e PDK-së.
Ndërsa, PDK-ja e Prishtinës mësohet se është ende në kërkim të drejtorëve për Bujqësinë dhe Sportin.
© SYRI.net