Deputeti i Lidhjes Demokratike të Kosovës, Armend Zemaj ka deklaruar se do të përdorin të gjithë mekanizmat demokratikë për të kundërshtuar shtrenjtimin e energjisë elektrike.
Ai u shpreh se në një vend të varfër si Kosova duhet të jesh shumë i paditur për të propozuar rritjen e çmimit të energjisë.
Më tej, në një konferencë për media bëri të ditur se do të përdorin të gjithë mekanizmat, përfshirë edhe protestat, për të kundërshtuar shtrenjtimin e energjisë elektrike.
“Do të përdorim të gjithë mekanizmat demokratikë sikur dje, sot, të hënën në seancë të jashtëzakonshme dhe do të konsultohemi me të gjithë, por edhe me qytetarët të cilët preken drejtpërdrejt nga paaftësia e kësaj qeverie. Do të shohim edhe format tjera të parandalimit, siç mund të jetë edhe protesta, një nga format demokratike të saj”, ka deklaruar ai.
Aktualisht, Partia Socialdemokrate ka paralajmëruar protestë me datën 29 janar, ndërsa një tjetër në rrjete sociale është ftuar për datën 26 janar. Të dyja janë kundër shtrenjtimit të energjisë elektrike.
© SYRI.net
Anëtarësimi në KiE, Tahiri: Luftën e kemi me Serbinë jo me njëri-tjetrin 
Deputeti nga Bosnje Hercegovina kundër anëtarësimit të Kosovës në KiE: Pa pëlqimin e Serbisë nuk ka kuptim
Kryesuesi i seancës në KiE ia tërheq vërejtjen deputes serbe: Respektoje kodin e sjelljes, s’mund t’i çrregulloni procedurat
Denonco
Merrni lajmet më të fundit nga SYRI.net në çdo moment dhe kudo që të jeni!
