Gruaja rrahu bashkëshortin e saj në Spitalin e Gjakovës, vjen lajmi i fundit

10:00, 21/01/2022

Prokuroria Themelore në Gjakovë ka kërkuar që të caktohet masa e paraburgimit për gruan që ka ushtruar dhunë fizike ndaj bashkëshortit të saj, në Spitalin e Gjakovës.

Prokuroria njofton se Gjykata ka pranuar kërkesën dhe ndaj të pandehurës është caktuar 1 muaj paraburgim

Në njoftim thuhet e pandehura i ka shkaktuar lëndime të rënda bashkëshortit të saj.

“Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurës V.N., për shkak të dyshimit të bazuar se ka kryer veprat penale “Lëndim i rëndë trupor”, dhe “Dhuna në familje”.

Prokuroria njofton se, rasti ka ndodhur më 14 janar 2021, në Spitalin Rajonal “Isa Grezda”, në Gjakovë, pikërisht në repartin e neurologjisë, ku e pandehura me dashje i shkakton lëndime të rënda viktimës së ndjeshme, të dëmtuarit, bashkëshortit të saj A.N”, thuhet në njoftim.

Prokuroria bën të ditur se, i dëmtuari përderisa ishte duke u trajtuar në spital, e pandehura e revoltuar se duhej të kujdeset për të, e sulmon fizikisht të dëmtuarin dhe e godet me shuplakë në regjionin e fytyrës, e në pjesë të ndryshme të trupit.

“Gjithashtu nga kohë e pacaktuar e deri më 18 janar 2022, në shtëpinë e tyre të përbashkët, e pandehura shkakton dhunë në familje, keqtrajtim fizik dhe psikik, të dëmtuarit, bashkëshortit të saj A.N, duke e ofenduar ne mënyrë të vazhdueshme, kanosur dhe duke e goditur fizikisht, ku tek i dëmtuari ka shkaktuar dhembje fizike dhe shqetësim të madh emocional”, njofton  Prokuroria.

Prokurori i rastit ndaj të pandehurës V.N., ka kërkuar masën e paraburgimit në afat prej 30 ditësh, e cila është aprovuar nga Gjykata kompetente.E pandehura, me urdhër të prokurorit gjendet në ndalim nga data 18 janar 2022. 

© SYRI.net

Lexo edhe:

• Serbët 'jobesnikë' nga Kosova që 'shkelin' rendin kushtetues të Serbisë
• Osmani, Kurti dhe Konjufca/ Zbardhet pasuria e liderëve kryesorë të Kosovës
• Kurti deklaron pasurinë: Banesë në vlerë 400 mijë euro, kredi për të shlyer 250 mijë euro