Presidenti serb, Aleksandar Vuçiq ka deklaruar se Bashkimi Evropian nuk reagoi fare ndaj deklaratës së kryeministrit të Kosovës, Albin Kurti, se do të votonte pro në një referendum paqësor e demokratik për t’u bashkuar me Shqipërinë.
Vuçiq tha se ndërkombëtarë do t’i thonin Serbisë se nuk po e harron të kaluarën në rast se do të kërkonte bashkim me Republikën Srpska.
“Imagjinoni që njëri prej nesh tha që Republika Srpska dhe Serbia duhet të bashkohen. Pyetja ime është a e dini se sa do të reagonin. Ata do të reagonin menjëherë. Pra, të njëjtën gjë do të na e shpjegonin për një sekondë se ne jemi njerëzit e së kaluarës dhe se ne jemi barra e Ballkanit për të sjellë kriza dhe gjithçka tjetër”, tha Vuçiq.
Presidenti i Serbisë, Aleksandar Vuçiq tha se për këtë arsye është i bindur se Serbia nuk duhet ta njohë pavarësinë e Kosovës, teksa shtoi se është e rëndësishme që “ta dëgjojmë njëri-tjetrin edhe kur mendojmë ndryshe”.
“Kur filluam dialogun, të gjithë patën mundësinë, si sot, ta shprehin mendimin e tyre. Unë e di që nuk ishim ‘engjëj të bardhë’, por mendoj se një faktor i jashtëm ishte kyç për shkatërrimin e Jugosllavisë”, tha Vuçiq për TV Pink.
Vuçiq tha se e kupton se Serbia humbi në Kosovë gjatë viteve 1961-1991.
© SYRI.net
Një muaj paraburgim nga Beogradi për kosovarin e ndaluar në Serbi
Murati: Marrëveshjet e deritanishme janë marrë vetëm me serbët e Kosovës
17 vjeçari e ther me thikë një person në Ferizaj, arrestohet brenda dy orëve
Denonco
Merrni lajmet më të fundit nga SYRI.net në çdo moment dhe kudo që të jeni!
