Manastiri i Deçanit ka shprehur ngushëllime për tre të vrarët në këtë komunë, përkatësisht në fshatin Gllogjan, pas një sulmi me armë.
Nëpërmjet një postimi në llogarinë e tyre zyrtare në ‘Twitter’, nga ky institucion fetar e vlerësojnë rastin si “një tragjedi të vërtetë”.
“Ngushëllime të sinqerta familjeve me rastin e të shtënave ndaj nxënësve të shkollës në Kosovë. Tragjedi e vërtetë”, thuhet në postimin e tyre.
Nga tre të vdekurit në Deçan, njëri nga ta ka qenë shoferi i autobusit që po ngaste mjetin i cili u sulmua nga një person i panjohur, ndërsa dy prej tyre ishin nxënës.
© SYRI.net