Konfiskohen disa thasë me drogë në Suharekë

10:41, 24/10/2021

Policia e Kosovës gjatë ditës së djeshme ka realizuar një bastisje në shtëpinë dhe objektet përcjellëse të të dyshuarit me inicialet K.B., në fshatin Sallagrazhdë të Suharekë, ku gjeti disa thasë me substanca narkotike.

Bastisja u krye nën dyshimin se në shtëpinë e tij gjendet një sasi e substancave narkotike e llojit marihuanë.

Policia njoftoi se gjatë operacionit ka gjetur dhe sekuestruar 10 kg e 400 gramë marihuanë.

Gjatë bastisjes janë gjetur dhe sekuestruar dëshmitë/provat si në vijim:

1 –  Njё (1) thes najloni  i zi me substancë të dyshuar narkotike të llojit marihuanë, pas matjes rezulton me peshë pesë (5) kg;

2 – Njё (1) thes najloni  i zi me substancë të dyshuar narkotike të llojit marihuanë, pas matjes rezulton me peshë pese (5) kg;

3 – Njё (1) thes najloni i zi me substancë të dyshuar narkotike të llojit marihuanë, pas matjes rezulton me peshë katërqind (400) gram;

4 – Një (1) peshore elektrike ngjyrë e bardhë;

5 – Tri (3) rolle plastike që shërbejnë për paketim të substancës narkotike;

6 – Një (1) aparat elektronik për shërbim të vakumimit të qeseve plastike –paketim të marihuanës.

Njësitet relevante policore janë duke zhvilluar hetime lidhur me rastin dhe janë në kërkim të të dyshuarit, i cili ndodhet në arrati.

© SYRI.net

Lexo edhe:

• U denoncua nga gruaja për dhunë, IPK po e heton zyrtarin e lartë të Policisë së Kosovës
• 'Të gjitha marrëveshjet e arritura janë dokumente të vlefshme dhe detyrime të palëve'
• Diskutime me tone të larta në Komisionin Parlamentar për Integrime