Policia e Kosovës ka bërë të ditur se është arrestuar një person në Gjakovë për armëmbajtje pa leje, shkruan Syri.net Kosova.
Sipas policisë, sot stacioni policor në Gjakovë ka pranuar informatë se personi V.SH. i lindur në vitin 1991, nga fshati Rogovë, KK. Gjakovë, sh/k, ka në posedim armë zjarri dhe mjete tjera luftarake.
Sipas policisë, pas identifikimit të personit në konsultim me prokurorin kujdestar, dhe po ashtu vepruar sipas urdhëresës të gjykatësit paraprak, është realizuar kontrolli – bastisja e shtëpisë dhe lokaleve tjera përcjellëse të të dyshuarit, dhe janë gjetur dhe sekuestruar armët:
– Një ZOL – e zbrazët,
– Një GULINOV , cal.12,7 mm dhe
– Një revole, cal. 7.65 mm
“I njëjti është shoqëruar dhe intervistuar në praninë e avokatit mbrojtës dhe pas deklarimit, me urdhër të prokurorit kujdestar i dyshuari lirohet, dhe rasti vazhdon në procedura të rregullt. Drejtoria Rajonale e Policisë – Gjakovë, po ndërmerr të gjitha masat e nevojshme policore për kapjen e personave që mbajnë dhe qarkullojnë me armë pa autorizim dhe krejt kjo në funksion të parandalimit të akteve kriminale dhe sigurinë sa ma të qëndrueshme të qytetarëve dhe pasurisë së tyre”, thuhet nga PK.
© SYRI.net
Stano: Për masat e Kosovës vendos Këshilli i Ministrave në bazë të raportit të Borrellit
Të shtëna me armë zjarri në Hajvali
Pezullimi nga puna i profesorit pas akuzave për ngacmim seksual, Nagavci e mirëpret vendimin e Rektorit
Denonco
Merrni lajmet më të fundit nga SYRI.net në çdo moment dhe kudo që të jeni!
