Ndonëse në votat për kryetar të komunës së Gjilanit, Lutfi Haziri nga LDK radhitet i dyti, pas Alban Hysenit të Lëvizjes Vetëvendosje, në votat për Kuvend Komunal, LDK është duke prirë me mbi 10%.
Sipas të dhënave të Komisionit Qendror të Zgjedhjeve (KQZ), nga 98,41 % të vendvotimeve të numëruara më së shumti ka marrë LDK me 15 mijë e 159 vota apo 39,14%.
E dyta për sa i përket votave për asamble komunale, është LVV me 11 mijë e 238 vota apo 29,02%.
E pas Vetëvendosjes është radhitur Partia Demokratike e Kosovës (PDK) me 5 mijë e 254 vota apo 13,57%.
Ndërsa AAK është renditur e katërta me 2 mijë e 667 vota apo 6.89%.
Mirëpo në votat për kryetar të komunës, kandidati i Lëvizjes Vetëvendosje Alban Hyseni është duke prirë me vetëm 261 vota më shumë sesa kandidati i Lidhjes Demokratike të Kosovës (LDK), Lutfi Haziri.
Hyseni në Gjilan, ka marrë 18 mijë e 550 vota apo 44,43%, ndërsa Lufti Haziri,i cili në krye të Gjilanit kërkon mandatin e tretë me radhë, ka marrë 18 mijë 289 vota apo 43,81%.
Ndërsa e treta është renditur Leonora Morina Bunjaku me 3 mijë e 438 vota apo 8,24%.
Zgjedhjet lokale në Kosova janë mbajtur më 17 tetor, Gjilani është në mesin e 21 komunave të Kosovës që do të shkojë në balotazh.
Alban Hyseni nga LVV pritet që në balotazh të garojë me kryetarin aktual Lutfi Hazirin.
KËTUmund t’i gjeni rezultatet preliminare për Kuvendin Komunal të Gjilanit.
© SYRI.net
BE: Themelimi i Asociacionit është urgjencë, dështimi nënkupton pasoja
Çka pas votimit të dielën në veri?
Ambasada amerikane publikon numrat për raportimin e dhunës me bazë gjinore
Denonco
Merrni lajmet më të fundit nga SYRI.net në çdo moment dhe kudo që të jeni!
