Zëdhënësi i Komisionit Qendror të Zgjedhjeve, Valmir Elezi ka njoftuar se sonte nuk do të ketë konferencë për medie nga ky institucion për rezultatet përfundimtare.
Elezi tha se në aplikacionin e KQZ-së vazhdimisht po përditësohen rezultatet preliminare të zgjedhjeve lokale, ndërsa ftoi mediat t’i referohen këtyre rezultateve.
“Sonte nuk do të ketë ndonjë konferencë nga anëtarët e KQZ-së lidhur me rezultatet përfundimtare. Rezultatet preliminare janë duke u shfaqur në aplikacionin e KQZ-së dhe ftoj mediat t’i referohen ashtu siç po bëjnë deri më tani”.
“Në këtë aplikacion janë duke u shfaqur rezultatet preliminare të zgjedhjeve për kryetar të komunave si dhe rezultati i subjekteve politike për Kuvende Komunale – këto janë vetëm rezultate preliminare”.
“Pra, rezultatet përfundimtare shpallen nga KQZ pas verifikimit dhe numërimit të votave me kusht vota, me postë, votave të personave me nevoja të veçanta pas përfundimit të të gjitha procedurave në qendrën e numërimit dhe rezultateve, si dhe pas shqyrtimit dhe vendosjes lidhur me ankesat eventuale të subjekteve politike dhe kandidatëve të tyre”, tha Elezi.
© SYRI.net
Një muaj paraburgim nga Beogradi për kosovarin e ndaluar në Serbi
Murati: Marrëveshjet e deritanishme janë marrë vetëm me serbët e Kosovës
17 vjeçari e ther me thikë një person në Ferizaj, arrestohet brenda dy orëve
Denonco
Merrni lajmet më të fundit nga SYRI.net në çdo moment dhe kudo që të jeni!
