Presidenti i Malit të Zi, Milo Gjukanoviq, ka njoftuar për një bisedë telefonike që ka pasur me presidenten Vjosa Osmani.
Kreu i shtetit malazez ka thënë se biseda ka qenë tejet informuese në lidhje me përgatitjet që po bëhen për Samitin e Brdo-Brijunit.
Gjukanoviq ka thënë se Mali i Zi dhe Kosova ndajnë aspiratën e përbashkët për fqinjësi të mirë dhe për stabilitet të rajonit që shkon në të mirë të qytetarëve.
Gjithashtu presidenti Gjukanoviq ka treguar se Osmani i ka bërë ftesë për ta vizituar Kosovën.
“Me mirënjohjen për ftesën për të vizituar Kosovën, pres me padurim vazhdimin e bisedës sonë në Brdo afër Kranj”, ka shkruar Gjukanoviq.
Very informative telephone conversation with President @VjosaOsmaniPRKS in the preparation of the Brdo-Brijuni Summit.
— Milo Đukanović (@predsjednik_cg) May 14, 2021
🇲🇪 and 🇽🇰 share a wish for good neighbourly relations, stability of the region and joint European vision, to the benefit of citizens in both our countries.
© SYRI.net