Një vrasje ka ndodhur dje rreth orës 13:00 në fshatin Vitomiricë të Komunës së Pejës. 60-vjeçari, Shefqet Makshana ka mbetur i vrarë pas plagëve të marra nga një sulm me thikë që ka ndodhur mbi të nga dy të dyshuar.
Në familjen e tij, thonë se nuk e dinë se si ka ardhur deri tek konflikti mes tij dhe fqinjëve.
“Nuk e di që kemi pasë diçka. Para dy ditë kam qenë këtu në iftar. Sikur të kishte pasur ndonjë mosmarrëveshje do të më tregonte. Më lajmëroi gruaja e tij se ai ka vdekur, ajo nuk e di si ka ndodhur rasti. Në rrugë ka ndodhur rasti, ai ka qenë duke ardhur për në shtëpi. Ka qenë në shitore. A i kanë dalë në prit a si ka ndodh nuk e di”, ka thënë vëllai i viktimës.
Rastin e ka konfirmuar zëdhënësi i Policisë për Rajonin e Pejës, Fadil Gashi.
Gashi ka thënë se dy të dyshuar për këtë rast janë arrestuar dhe se janë duke u intervistuar.
“Rreth orës 13;15, në rrugën “Hysen Hykaj” në Vitomiricë, pas një mosmarrëveshje është therur me thikë një burrë dhe është dërguar në emergjencë dhe mjeku kujdestar e ka konfirmuar vdekjen e tij. Viktima është i moshës rreth 60-vjeçare. Dy të dyshuar për rastin janë arrestuar dhe janë duke u intervistuar”, ka thënë Gashi.
© SYRI.net
I shpallur në kërkim ndërkombëtar, arrestohet në Morinë 36 vjeçari turk
Zemaj takon ish Sekretarin e NATO-s Robertson, e falenderon për kontributin në momente kruciale për Kosovën
U denoncua nga gruaja për dhunë, IPK po e heton zyrtarin e lartë të Policisë së Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
