Qeveria e Kosovës e ka miratuar koncept-dokumentin për pasurinë e fituar në mënyrë të pajustifikueshme, e cila është përgatitur nga Ministria e Drejtësisë.
Ministrja e këtij dikasteri, Albulena Haxhiu, e ka prezantuar para kabinetit qeveritar këtë koncept-dokument.
“Ministria e Drejtësisë ka iniciuar koncept-dokumentin për pasurinë e fituar në mënyrë të pajustifikueshme, mangësitë dhe problemet që ekzistojnë në këtë fushë. MD pas miratimit të këtij koncept-dokumenti do të hartojë projektligjin që do të përmbajë rregullimin e koncepteve për hetimin e pasurisë së pajustifikueshme që ju takon personave të dyshuar. Synohet që të themelohet një agjenci e pavarur, e cila inicion procedurën ndaj personave të dyshuar që kanë fituar pasurinë në mënyrë të jashtëligjshme”, ka thënë Haxhiu.
Haxhiu tha se ligji do të gjejë zbatim që para shpalljes së pavarësisë në vitin 2008.
“Nuk kërkohet që njëherë të dënohet personi me aktgjykim dënues e pastaj të fillojnë procedurat e konfiskimit ndaj tij. Ky ligj do të gjejë zbatim që para shpalljes së pavarësisë. Ky ligj do të mbrojë interesin publik, në drejtim të asaj se pasuria publike mbetet e qytetarëve”, tha ajo.
© SYRI.net
Sarrazin: Mbështesim Kosovën për anëtarësim në KiE, kriteret që i përmend Serbia nuk janë edhe tonat
Nesër seancë plenare në Kuvend, ky është rendi i ditës
Dalja në zgjedhjet e Maqedonisë deri ora 15:00 është rreth 35 për qind
Denonco
Merrni lajmet më të fundit nga SYRI.net në çdo moment dhe kudo që të jeni!
