Dje gjatë ditës ka përfunduar numërimi i votave të zgjedhjeve të 14 shkurtit, ndërsa, sot pritet që KQZ-ja të shpallë rezultatet përfundimtare.
Reporteri.net ka siguruar listën e kandidatëve për deputetë të LDK-së që kanë siguruar ulëse në Kuvend. Kryeministri në detyrë Avdullah Hoti është më i votuari në listën e LDK-së. Sipas listës që ka siguruar nga Reporteri, Hoti ka marrë 69 mijë e 640 vota.
Ndërkohë janë publikuar rezultatet edhe për kandidatët më të votuar nga Lista e Vjosa Osmanit e cila në zgjedhjet e 14 shkurtit garoi bashkë me Vetëvendosjen. Sipas një liste të publikuar, del se më e votuara është Vjosa Osmani me 300 mijë vota, por numër të madh të votave ka marrë edhe Donika Gërvalla me 71 mijë e 700 vota. Nga ky rezultat vërehet se Donika Gërvalla nga lista e Osmanit ka marrë vota më shumë se Avdullah Hoti i cili ishte kandidat i LDK-së për kryeministër.
Ndryshe në bazë të rezultateve të publikuara deri më tani, LVV-ja si parti e parë merr 58 ulëse në legjislaturën e re, PDK-ja 19 ulëse, LDK-ja 15 ndërsa AAK-ja merr 8 ulëse.
© SYRI.net
Eurodeputetja holandeze reagon pas maltretimit të kosovarëve në Serbi 
Kurti dhe Krasniqi priten në takim nënkryetarët e komunave veriore
MPJD konfirmon lirimin e zv.drejtorit të Policisë Dejan Jankoviq: Ndodhet rrugës për në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
