Me rastin e shënimit të 13-vjetorit të shpalljes së pavarësisë së Kosovës, institucionet komunale të Gjilanit, të përfaqësuara nga nënkryetari, Arbër Ismajli dhe kryesuesja e Kuvendit, Shpresa Kurteshi-Emini, kanë bërë homazhe te varrezat e dëshmorëve.
Kryesuesja Kurteshi-Emini, pasi uroi qytetarët, tha se për këtë pavarësi kanë derdhur gjakun gjenerata të tëra.
“Për nder të 13-vjetorit të shpalljes së pavarësisë së Kosovës, ne nderojmë dëshmorët e kombit. Për të ardhur deri në këtë ditë, shumë veprimtarë janë angazhuar maksimalisht, shumë prej të cilëve kanë dhënë jetën. Për këtë pavarësi e Republikë kanë derdhur gjakun gjenerata të tëra. Si shoqëri e si institucione, duhet që maksimalisht të jemi të angazhuar që ta forcojmë shtetin dhe të krijojmë një të ardhme të sigurt e stabile për qytetarët, por edhe për brezat e ardhshëm. Urime të gjithë qytetarëve 13-vjetori i shpalljes së deklaratës së pavarësisë”, ka thënë Kurteshi-Emini.
Përfaqësuesit e institucioneve komunale kanë bërë nderime edhe tek lapidarët e bustet e dëshmorëve: Idriz Seferi, Mulla Idriz Gjilani, Agim Ramadani, Abdullah Tahiri, Rexhep Mala e Nuhi Berisha, Pajazit Ahmeti, Alban Ajeti e Reshat Ymeri.
© SYRI.net
Joseph: Vuçiqi u mund nga Osmani, ishte e pritshme
Kosova dhe Çekia thellojnë bashkëpunimin në fushën e sigurisë
Rekomandohet suspendimi i profës, Xhevat Krasniqi
Denonco
Merrni lajmet më të fundit nga SYRI.net në çdo moment dhe kudo që të jeni!
