"Në përvjetorin e Konferencës së Donatorëve "Together for Albania" unë shoh një vit solidariteti të pashembullt të Bashkimit Evropian me Shqipërinë dhe qytetarët e saj", tha sot Ambasadori i BE-së në Tiranë, Luigi Soreca.
"Ne premtuam ta ndihmojmë Shqipërinë të rimëkëmbet nga tërmeti dhe tani jemi duke dhënë rezultate me investime në sektorët e prekur rëndë të arsimit dhe kulturës, - theksoi Soreca në një mesazh në Fb. - Asgjë nuk mishëron qëndrueshmëri dhe besim në të ardhmen më mirë sesa shkollat. Shkollat e reja po ndërtohen me përfshirjen e komuniteteve lokale, duke ndjekur standardet më të larta evropiane.
Ndërkohë, ekonomia lokale do të përfitojë nga rigjallërimi i trashëgimisë kulturore, do të diversifikojë turizmin dhe do të forcojë lidhjen midis Shqipërisë dhe historisë së saj evropiane.
Përgjigja e Bashkimit Evropian dhe shteteve anëtare të tij gjatë gjithë vitit të kaluar ka treguar edhe një herë se BE është donatori i parë dhe partneri më i besueshëm i Shqipërisë në rrugën e saj drejt anëtarësimit në BE."
© SYRI.net
Murati: Marrëveshjet e deritanishme janë marrë vetëm me serbët e Kosovës
17 vjeçari e ther me thikë një person në Ferizaj, arrestohet brenda dy orëve
Kryetari i Zubin Potokut thotë se votimi i 21 prillit në Veri s’do të ketë sukses: Nuk do të dal të votoj 
Denonco
Merrni lajmet më të fundit nga SYRI.net në çdo moment dhe kudo që të jeni!
