Zbardhet dëshmia e babait të Santiago Malkos, i vrarë në 27 gusht 2019, të dhënë para trupës gjykuese në procesin gjyqësor kundër Blendi Tetës dhe 8 personave të tjerë.
Burime për Ora News bëjnë të ditur se babi i 27-vjeçarit ka thënë se lajmin e ka mësuar nga televizioni dhe se në momentin kur ka vajtur në vendin e ngjarjes nuk ka pasur asnjë postbllok policie.
“Pse uniformat blu nuk i kanë kapur autorët? Unë nuk kam pasur dijeni që djali im të kishte konflikte me ndonjë person. Nuk njoh asnjë nga personat e dyshuar”, mësohet të ketë thënë Shefqet Malko.
Po i njëjti burim thotë se në seancë nuk u paraqit bashkëshortja e viktimës Dea Malko.
Sipas policisë, bashkëshortja e ish-punonjësit të policisë është larguar jashtë vendit.
Ndërkohë në kërkim për këtë çështje janë Leonard Duka, 33 vjeç; Erlis Duka, 29 vjeç; Ilir Selmani, 34 vjeç; Oltian Loga, 38 vjeç; Dritan Agaj, 38 vjeç; Fatmir Hyseni Musai, 42 vjeç Aleksdandër Maxhaku, 37 vjeç dhe Xhoni Nica, 24 vjeç.
Këto emra kanë dalë nga dëshmia e Tetës, i cili ka pretenduar se nuk ka qenë pjesë e planit të vrasjes dhe kur e ka kuptuar çdo ndodhte është larguar, megjithatë nga hetimet rezulton si i përfshirë.
Gjykata ka ndarë çështjen për 8 personat e tjerë dhe në gjykim, do të jetë vetëm Blendi Teta.
© SYRI.net
Eurodeputetja holandeze reagon pas maltretimit të kosovarëve në Serbi 
Kurti dhe Krasniqi priten në takim nënkryetarët e komunave veriore
MPJD konfirmon lirimin e zv.drejtorit të Policisë Dejan Jankoviq: Ndodhet rrugës për në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
