Ngritet flamuri i Kosovës nga Garda e FSK-së në oborrin e Qeverisë

08:24, 17/02/2021

Republika e Kosovës sot shënon trembëdhjetë vjetorin e shpalljes së pavarësisë, e për nder të kësaj dite është ngritur flamuri shtetëror nga Garda Ceremoniale e Forcave të Sigurisë së Kosovës (FSK), në oborrin e Qeverisë.

Në këtë ceremoni morën pjesë ushtruesja e detyrës së presidentit, Vjosa Osmani si dhe kryeministri në detyrë, Avdullah Hoti.

Për nder të këtij përvjetori janë organizuar një sërë aktivitete nga institucionet e vendit.

Në bazë të agjendës shtetërore te aktiviteteve për Ditën e Pavarësisë së Kosovës mbahen homazhe në në Kompleksin Memorial Adem Jashari në Prekaz, të varri i Presidenit Rugova si dhe tek varrezat e dëshmorëve nëpër komunat e Kosovës.

Manifestimi qendror për shënimin e Pavarësisë mbahet në Forcën e Sigurisë së Kosovës në të cilën do të marrin pjesë u.d presidentja Vjosa Osmani, kryeministri në detyrë Avdullah Hoti si dhe figura tjera publike.

Gjatë kësaj dite po ashtu do të organizohen gara sportive nga federatat e ndryshme te sporteve si dhe do të hapen ekspozita dhe koncerte nga institucionet kulturore në vend.

Edhe Qendra Kinematografike e Kosovës në bashkëpunim me Ministrinë e Kulturës Rinisë dhe Sportit shfaqin filma kosovar me rastin e trembëdhjetë vjetorit të shpalljes së pavarësisë së Kosovës.

Për nder të 13 vjetorit të Pavarësisë së Kosovës edhe Shoqata Miqtë e Amerikës do ta ndërroj flamurin amerikan.

Në këtë mënyrë edhe një herë Shoqata Miqtë e Amerikës ka deklaruar se dëshiron ta potencoj faktin që sponzorues i formimit të shtetit të Kosovës janë SHBA-të dhe aleatët e tyre andaj do ta repektojnë duke e vendosur një flamur të ri.

Të dielën e 17 shkurtit 2008 në orën 15:39 në Kuvendin e Kosovës u lexua Deklarata e Pavarësisë.

Nga ai çast, Kosova u shpall e pavarur derisa në Ballkan u konfirmua edhe një shtet i ri.

Kosova e pavarur menjëherë nisi të njihej nga shtetet mike. Ky proces u bë i zakonshëm në ditët e para pas pavarësisë, ndërsa deri më tash Kosovën e kanë njohur 117 shtete. Vendi i fundit që e njohu Kosovën është Izraeli. 

© SYRI.net

Lexo edhe:

• Osmani, Kurti dhe Konjufca/ Zbardhet pasuria e liderëve kryesorë të Kosovës
• Kurti deklaron pasurinë: Banesë në vlerë 400 mijë euro, kredi për të shlyer 250 mijë euro
• Presidentja Osmani deklaron vlerën e shtëpisë që e bleu në vitin 2023