Ministri i Drejtësisë, Selimi Selimi, ka takuar kryesuesin e Këshillit Gjyqësor Skender Çoçaj, me të cilin ka diskutuar rreth finalizimit të rekomandimeve të cilat duhet të përfshihen në Strategjinë e cila del nga procesi i Rishikimit Funksional të Sektorit të Sundimit të Ligjit.
Ministri gjatë bashkëbisedimit me kryesuesin Çoçaj, ka theksuar se roli i Këshillit Gjyqësor është i rëndësisë së veçantë, pasiqë përmes procesit të Rishikimit Funksional do të adresohen edhe sfidat e sistemit gjyqësor.
Ai tha se koordinimi institucional bënë politikat e rishikimit të implementueshme dhe nuk lejon ndërmarrjen e politikave të njëanshme.
Selimi po ashtu ka falënderuar kryesuesin Çoçaj, për bashkëpunimin e deritanishëm duke shtuar se KGJK mbetet hallkë e rëndësishme për sistemin e drejtësisë dhe e zbatimit të reformave të ndërmarra me qëllim të forcimit të sundimit të rendit dhe ligjit.
Nga ana tjetër, kryesuesi Çoçaj, ka falënderuar ministrin Selimi për bashkëpunimin e ofruar dhe ka konsideruar që Rishikimi Funksional është një prej proceseve me peshë të madhe, i cili mund të zgjidhë shumë probleme që hasen në sistem.
© SYRI.net
DASH thirrje autoriteteve serbe për transparencë: Arrestimi i policëve të Kosovës përshkallëzon situatën
Nesër ora e parë e mësimit në shkollat e Prishtinës do të jetë sensibilizuese kundër dhunës në baza gjinore
Abdixhiku organizon tubime përkrahëse për eurodeputetët mbështetës të Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
