Kështu ka konfirmuar Drejtori i Institutit të Mjekësisë Ligjore të Kosovës, Arsim Gërxhaliu i cili tha për Periskopin se destinacioni tjetër për gërmim të varrezave masive do jetë Shtavali. Ndër të tjera, ai ka paralajmëruar edhe për ndërprerje të gërmimeve, si rezultat i motit.

“Po pritet të ketë ndërprerje për shkak të motit dhe do të vazhdohet në pranverë. Përndryshe pas Kizhevakut do t’i qasemi Shtavalit të cilin e kemi kontrolluar para dy muajve”, ka deklaruar ai.

Tutje, ai ka thënë se pala serbe po tregohet profesionale ndaj palës kosovare.

“Kjo është java e dytë që po punohet intenzivisht nga ekspertë nga Kosova, si dhe nga ekspertet nga pala serbe, po punohet në mënyrë korrekte dhe profesionale dhe po planifikojmë të premten ta përmbyllim procesin sepse ndoshta janë tërhequr 3 a po ndoshta 4 trupa por që do të shohim kur të na vërtetojë analiza e ADN’së”, ka shtuar tutje Gërxhaliu.