Filozofi Blerim Latifi ka hedhur fjalë të rënda në drejtim të Presidentets, Atifete Jahjaga, duke thënë se të flasësh për barazinë gjinore kur një pjesë të ditës e kalon të kirurgu estetik nuk shkon.
Latifi ka shtuar se është e drejtë e saj të bëjë çfarë të dojë me trupin e saj por kjo gjë bie ndesh, prandaj jep edhe sqarime pse mendon kështu
“Problemi është tjetër kund: ndërhyrjet kirurgjike për të zbukuruar fytyrën bijnë në kundërshtim me misionin e avokatisë së barazisë gjinore dhe emancipimit të grave, në përgjithësi. Pse? Sepse, kirurgjia estetike e grave është pasojë e një shoqërie maskiliste ku femrat vlerësohen për dukjen e tyre, e jo për personalitetin dhe profesionalizmin e tyre. Kirurgjia estetike e grave është pasojë e një shoqërie maskiliste në të cilën gratë për të avancuar në jetën publike duhet të përdorin strategjitë e joshjes fizike”
Tutje shton kirurgjia estetike e grave është një biznes që reflekton nënshtrimin e tyre ndaj burrave.
“Me fjalë të tjera: kirurgjia estetike e grave është një biznes që reflekton nënshtrimin e tyre ndaj burrave në shoqëri. Pra, nuk mund të shkosh paradite tek kirurgu për ta bërë më të bukur fytyrën dhe pasdite të bësh thirrje për barazinë gjinore dhe emancipimin e grave. Këto dy gjëra janë në kundërshtim me njëra tjetrën”
“ Naomi Ëolf, njëra nga mendimtaret më të rëndësishme të feminizmit e shpjegon shumë mirë këtë në librin e saj “Miti i Bukurisë: Si Përdoren Imazhet e Bukurisë Kundër Grave”. Barazia gjinore nuk arrihet me kirurgji estetike të fytyrës, por me luftë politike për t’i ndryshuar ligjet e shtetit dhe normat sociale që reflektojnë mentalitetet patriarkale dhe maskiliste” – e përfundon deklarimin e tij Latifi.
© SYRI.net
Sot në të gjitha shkollat e kryeqytetit ora e parë i dedikohet kundërshtimit të dhunës gjinore
Maqedonci: Kemi informacione se Serbia do të testojë dronë kamikazë në kufi me Kosovën
Eksperti: Policët e Kosovës u rrëmbyen nga Serbia, u keqtrajtuan e u lanë pa ushqim
Denonco
Merrni lajmet më të fundit nga SYRI.net në çdo moment dhe kudo që të jeni!
