Dështojnë zgjedhjet e KOKSH, Bezhani: Ministria të ndërhyjë për zgjidhjen e ngërçit!

14:59, 01/12/2020

Pavarësisht se në shkurt me ndërhyrjen e ndërkombëtarëve u vendos që zgjedhjet në KOKSH të zhvillohen brenda këtij viti, kjo ka shumë gjasa të mos ndodhë.

Zgjedhjet në Komitetin Olimpik Kombëtar Shqiptar nuk do të bëhen brenda këtij viti, sipas kreut Viron Bezhani, edhe pse në Asamblenë e Jashtëzakonshme të shkurtit, me pjesëmarrjen e ndërkombëtarëve, u vendos diçka e tillë.

Nga Komiteti Ekzekutiv i KOKSH, që ka një përplasje me kreun e institucionit, Bezhanin, janë thirrur dy asamble të jashtëzakonshme.

Ajo statutore e 13 dhjetorit dhe ajo e 23 dhjetorit që është zgjedhore.

Mirëpo sipas statutit asambletë e jashtëzakonshme thirren vetëm nga presidenti, i cili për Report Tv sqaron:

Është me të vërtetë një njoftim, por që është i jashtëligjshëm përsa i përket zgjedhjeve. Njoftimi im zyrtar, që e ka ligji dhe statusi, është 13 dhjetori, për ndryshimet statutore, pasi nuk mund të bësh dot zgjedhoret pa bërë këtë më herët. Duhet të ndryshohet statusi, të firmoset nga ministria, sepse kështu injorohet ministria. Sipas ligjit ministria ka limit deri në 60 ditë për të parë ndryshimet statutore dhe më pas mund të kalohet në asamblenë e jashtëzakonshme zgjedhore”, deklaroi Bezhani.

Sipas presidentit të KOKSH-it, edhe asambleja e 13 dhjetorit për ndryshimet statutore ka shumë mundësi të mos zhvillohet për shkak të situatës me pandeminë.

Ne edhe datën 13 mund të mos e organizojmë asamblenë pasi akoma nuk e kemi marrë një shkresë ku të thuhet se ne lejohemi të bëjmë një organizim me 100 veta”.

Në fund Bezhani thotë se për të zgjidhur problemin jo vetëm të KOKSH, pasi një situatë e ngjashme është edhe te peshëngritja, duhet të ndërhyrje me patjetër Ministria e Arsimit dhe Sportit.

Vendimtare duhet të jetë ministria që duhet të menaxhojë këto aktivitete, sepse nuk mund të lihen në këtë mënyrë. Pse e them këtë? Nëse ka shkelje statutore ne nuk mund të vendosim dot veton se kush ka të drejtë apo të gabuar”.

 

 

© SYRI.net

Lexo edhe:

• Kamberi mban takime në PE dhe KiE, diskuton diskriminimin e shqiptarëve në Luginë
• Avdullah Hoti: Kurtit nuk i beson më askush
• Lajçak thotë se propozoi një “dokument kompromisi” për dinarin në takimin e Brukselit