Zëvendës kryeministri Besnik Tahiri, tha se angazhimi i të rinjve dhe infrastruktura ligjore që garanton siguri, punë e aktivizëm të të rinjve në Kosovë duhet të jetë kruciale për institucionet e Kosovës.
Ai tregoi se vizitoi zyrat e reja të UNICEF, ku po vazhdojnë punën e pandalshme rreth fuqizimit të fëmijëve dhe të rinjve në Kosovë.
"Kënaqësi që nesër do të lansojmë së bashku Kosovo Generation Unlimited përmes së cilës synohet fuqizimi i 500 të rinjve në punë praktike", tha Tahiri.
Zv.kryeministri shtoi se në këtë aspekt, është më se e rëndësishme për të rinjtë kosovarë të familjarizohen me konceptin e punës praktike, përmes së cilës, ata do ta kenë mundësinë të zhvillojnë shkathtësitë dhe aftësitë e tyre për të pasur sukses në tregun e punës.
Ai shtoi se bashkëpunimi me UNICEF-in do të vazhdojë edhe më tej në zhvillimin e programeve që prekin pikën më vitale të shoqërisë kosovare – rininë, që të gëzojnë të drejtat e tyre njerëzore.
© SYRI.net